An mbe kan chɛ mɔɛ bia buɛ min dɔ, an mbe a 'a kan denɛ wɛɛ bia ka wan. Bɔi denɛ wɛɛ, an mbe a ti bia buɛ min dɔ, an mbe a wɛɛ bia ka wan. An‑na suun ya ɔ sɔɛ chee ka buɛ min dɔ, an dɔ, Bɛɛsɛbu, an mbe sika a to nyɔn chee koe a tɔ dɔ mende a suun chɛ ɔ?
Chu n 'na sawa kan mɔɛ chɛ dɔ nu, an ni wan nɔ, a ka Chuusaɛn duu ɔ. An ni wan a fɔ‑a, an dɔ, “Nyina yama n 'na mansa chɛ, min tɔ mu Bɛɛsɛbu, an mbe a fɛ. A sin to, an mbe ka gbasaya chɛ be tena a ma, nyina yama n gbain koe a mɔɛ n fɛ.”
Mbɛ Chu mɔɛ chɛ n dɔ Chisɔsi ma, an dɔ, “I‑a a ɔ yen gbɛ, mbɛ nn‑na min fɔ, nn teaen fan mu. Nn‑na a fɔ wan, mbɛ Samayia mɔɛ mu i a, a sin, nyina yama an mbe i fɛ.”
Mbɛ Chu mɔɛ chɛ n dɔ, “Nn‑na a ɔ sɔn gbɛ tea a, mbɛ nyina yama an mbe i fɛ. Ebeami wɛɛ gbu fa‑a wan, mbɛ Yataa 'a gbonka chɛ mɔɛ n bɛɛ fa‑a. Chɛɛ i tana, i ɔ, mɔ ɔ mɔ‑a a boo si kan chɛ kɔɔ, e min chɛ tena, a ee fa‑a kuɔ fɔ ko a.
A sin koɔ‑a kɛn ka buɛ chɛ ɔ, a wandi kun bɔ koe a mɔɛ chɛ n boo ɔ, Kɔfana Fesɔsi dee‑a wan, a kuiɛ ma sɛenɛ a, a ɔ, “Pɔɔ, i wooen fan mu. Gboo kan ba chɛ, an mbe i yii bɔ tena i ɔ.”
Chɛɛ n mbe n fandi gboo ma wan tindin, mbɛ n‑na n tachɛ buɛ ma mɛn. N mbe chɛ ma, min mbe a ma, Yataa ma na n na yɛ a boo kɔ, ni n ban‑da mɔɛ n chee‑a bui chɛ koe a.