MATIU 11:16 - Yataa 'a Dɔbɛnɛ Nama

¹⁶ “Bi tee chɛ a mɔɛ nu, an maen fan mu yɔ den mɛsɛ nu tɔmbɔ chɛ baa ma. Chɛ n mbe denka ɔ, chɛ n mbe kandɔɛ. Miin mbe denka ɔ, an‑na yee tɛ wan kandɔ mɔɛ n tena, an dɔ,

MATIU 11:16 ပူးပေါင်းရင်းမြစ်များ

MATIU 11:15

Wo wɛn too ɛ koe a min, wo chɛ a min.

MATIU 11:17

‘Mmɔ si a bɔ, mmɔ ni mmɔ don.’ Chɛɛ kandɔ kaka ma dɔn ni. Mbɛ denka ɔ kaka‑a a fɔ to, an dɔ, ‘Mmɔ di chɛ wɛ.’ Chɛɛ an ma dɔn ni chɛ wɛɛ ma.

MATIU 12:34

Wo yauaen ba chɛ nu yɔ ka. Bai chɛndɛ kan kɔ kan mbe ee che bɔ‑a wo da ɔ. A mu min na, mɔ gbu ɛ bai min sa, ɛ ka a faa ɔ wan.

MATIU 23:36

N ni a ma din wo tena, mbɛ an na‑a mɔɛ chɛ miin gbɛɛ fa suun, a tɔɔya chɛ ɛ ma‑a wo mɔ bonda chɛ n sima an ma.”

MATIU 23:7

Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. An toen mu mɔɛ n ni an chee, an dɔ, kan mɔ.

MATIU 24:34

N ni a ma din wo tena, mbɛ koe chɛ n gbɛɛ mbe ma‑a pɛn, wo nyɔn sima chɛ n mbe e na ban dunya ɔ.

MAKI 12:38

A sin ni kɛn an kan‑da, a ɔ, “Wo wo kun ma fɛn Chu n 'na sawa kan mɔɛ chɛ n boo ɔ. An toen mu doma wa wa don koe a, an mbe ben ben. Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na.

MAKI 4:30

Mbɛ Chisɔsi ɔ, “N mbe tai dɔ mende an tɛ tena to, n mbe kun n ni Yataa 'a mansaya siman min ma. Ka wɛ n mbe a bɔ nyɔɛ yian wo a.

DUKU 11:43

“Wo wan Fayisii nu, koe min mbe wo tan‑da, a yau gba wo ko a. Ni wo ta‑a samun chɛ chenɛ a, wo toen mu si tena ma bɛnden ba an na. Ni wo ta‑a machiti wɛɛ ɔ, wo toen mu mɔɛ n ni basɔmaya kɔndɔnɛ chɛ wo a.

DUKU 13:18

Mbɛ Chisɔsi ɔ, “Ka wɛ n mbe a ɔ yian wo a, Yataa 'a mansaya ɛ buɛ min dɔ. Ka wɛ n mbe a bɔ nyɔɛ yian wo a.