MATIU 11:14 - Yataa 'a Dɔbɛnɛ Nama

¹⁴ Yataa 'a gbonka chɛ mɔɛ chɛ n dɔndɔ na‑a Idaicha na koe fɔ wan. Ni wo e dan‑da wan a a, n ni a fɔ wo ye, mbɛ a mu Chɔn fan na, a na‑a min na koe kɔɔ fɔ tee.

MATIU 11:14 ပူးပေါင်းရင်းမြစ်များ

MATIU 11:13

Chɔn mbe e na to na‑a suun, Yataa 'a gbonka chɛ mɔɛ n gbɛɛ‑a bai fɔ wan koe chɛ n ma, miin mbe ma tena ka bi tee chɛ a. Yataa‑a sawa min be Mosisi ma, a sawa gboo wɛɛ‑a bi tee chɛ a ko dɔndɔ gbe chɛ n fɔ wan.

DUKU 1:17

Yataa Nyina ɛ gbasaya be‑a wan a ma, yɔ a‑a a be buɛ min dɔ Idaicha ma, min ni a 'a gbonka chɛ mɔɛ a suun. Ɛ na‑a wan Mansa Yataa ya ɔ, mɔ sɛsɛ n sɔ koe a chia ma. Ɛ a ma‑a wan, denɛ n ni na kuiɛ a kanɛ ɔ, an bɛ an fa n na. Ɛ a ma‑a wan to, tooɔgbɛa tɔɛ n bɛɛ ni bea tea fɛ, yɔ mɔ tandenɛ nu.”

CHƆN 16:12

“Bai sɛsɛ ɛ wan n da a, a fɔ koe a wo ye, chɛɛ wo ee na‑a kun‑da, wo ni an gbɛɛ sa wo yii ma.

GBOO SAA KƆYINDI KO A 3:2

N ni ma wo kan‑da, n ni wo da kɔ tee susu yii an na, n nii daun fen dɔ gbɛama be wo ma. Koe min na mu, wo ma nii ma bɛn nin bɛ daun fen dɔ gbɛama ko a. Tea gbu ko a, wo gbu sin ma ma bɛn nin bɛ a ko a sanche wɛɛ.

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.