MATIU 11:11 - Yataa 'a Dɔbɛnɛ Nama

¹¹ N ni a ma din wo tena, mbɛ Chɔn, min mbe yii chɛ mɔɛ n kunɛ ɔ, Yataa chia a, mɔ ɔ mɔ ee wɛ nɔ dunya ɔ, min benden mu a ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma.

MATIU 11:11 ပူးပေါင်းရင်းမြစ်များ

MATIU 11:10

A mu min na, Chɔn fan mu dɛya chɛ a, Yataa 'a gboo‑a bai sa a si min ma, a ɔ, ‘Yataa ɔ te kunka mansa Chasi ma, a ɔ, ɛ a 'a dɛya sɔ tena wan a ya ɔ, min mbe dɔbɛnɛ chɛ‑a a ko a.’

MATIU 11:12

A ka tee chɛ ma, Chɔn‑na a kuu sɔ kɛn Yataa bai sa‑a aan a sɔ bi ma, Yataa 'a mansaya ɛ ta tena wan ya ɔ ma gbasaya a. Chɛɛ gbun tɔɛ n mbe Yataa 'a mansaya chɛ chɛɛ tena wan.

MATIU 3:1

Tima che‑a wan, mbɛ Chɔn, min mbe yii chɛ mɔɛ n kunɛ ɔ, Yataa chia a, a na‑a fuinɛ ma, Chudia chɛnyɛ ɔ. Mbɛ a bun‑da Yataa 'a bai sa‑a mɔɛ n tena.

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MATIU 5:19

Mɔɛ min mbe sawa chɛ pɛɛ ɛnden bɛɛ yɔn‑da, ɛ ta‑a mɔɛ n kan‑da a yɔn koe ma, a ee nyan‑da a ko a. Yataa ɛ a mɔɛ chɛ ma‑a wan mɔ pɛɛ ɛndenɛ a, mɔ gbu n tɛ, miin mbe na‑a don‑da a 'a mansaya kɔɔ. Chɛɛ mɔɛ min mbe bea‑a sawa chɛ fɛ, a ni mɔ dɔ mende n kan a a, ɛ nyan‑da wan a ko a. Yataa ɛ a mɔɛ chɛ ma‑a mɔ chenama an na, mɔ gbu n tɛ, miin mbe na‑a don‑da a 'a mansaya kɔɔ.

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 7:28

N ni a ma din wo tena, mbɛ mɔ ɔ mɔ ee wɛ nɔ dunya ɔ, min benden mu Chɔn ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma.”

DUKU 9:48

Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”

CHƆN 1:15

Chɔn na‑a bai sa wan gbankon, a si a ma, a ɔ, “Mɔɛ chɛ mu, n‑na min na koe fɔ wo ye, n dɔ, ‘Mɔɛ min mbe na tena, n gbaa chia a, a gbasayaen mu a ni ben n ma.’ N dɔ, ‘Koe min na mu, a ni wan fɔɛ ɔ, n nii ma suun nin bɛ tima min na.’ ”

CHƆN 1:27

An mbe na tena sɔ‑a n chen gba ɔ. Chɛɛ a tɔɛ ɛ bɔ‑a wan gbeden, a sin gbu, n mbe ee che a 'a kɔɔwa yuu wɛɛ fuin koe a.”

CHƆN 10:41

Mɔ sɛsɛ na‑a wan, an‑na Chisɔsi tan. Mbɛ an nyɔn tɛ ɔ, an dɔ, “Chɔn nii ma kamaya ko kan kɔ kan ma ni. Chɛɛ bai n gbɛɛ, a‑a miin fɔ, a si kamin chɛ ma, an ma‑a tea a.”

CHƆN 3:30

A nyin a wan ni ma mɔ chenama wa a, n sin tana n ni ma mɔ dɔɔma a.”

CHƆN 5:35

Chɔn na‑a bai min sa, min ni yɔ manɛ wo tena, a na‑a a ma wan, wo bu ɔ dia‑a. Tima dɔ ko a, wo ma bɛnden fan ni a 'a bai a min koe a, min ni yɔ manɛ, a sin na‑a wo bu ɔ dia wan.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

GBOO SAA KƆYINDI KO A 15:9

Koe min na mu, Chasi 'a sɔ mɔɛ chɛ n gbɛɛ, an benden mu n ma. N gbu sin, mɔ a tenden ma n na, a chee koe a a 'a sɔ mɔɛ a. Koe min na mu, n‑na ko ma gbaaenɛ sa wan Yataa 'a mɔɛ n ma, chɔchi ɔ.

GBOO SAA KƆYINDI KO A 6:4

Chɛ an fɛ mu, ni bai bonda chɛ n ma‑a wo tɛ ɔ, wo ma ta a a mɔɛ tena, min mbe ee chɔchi ɔ, baa ni ma a ma boo ɔ boo. Chɛɛ wo ta a chɔchi ɔ, mɔɛ chɛ tena, baa sima wɛɛ ee min ma, a ni a sa.

Gboo Ɛfisɔsi Ko A 2:3

Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

GBOO IBU MƆƐ N KO A 11:40

Yataa na‑a chɛ ma, koe min na mu, ko dɔ mende an ni a yii ma mmɔ gbɛɛ ko a, min benden mu an too ɔ dia chɛ ma. Yataa 'a yiima ni min na, an ni chɛ an na. Mbɛ an mbe ee che ma‑a, yɔ Yataa toen mu an ni ma buɛ min dɔ, mɔɔ ni mmɔ bɛ ma‑a an na.

1 PITA 1:10

Yataa 'a gbonka chɛ mɔɛ n na‑a a ɔ gbɛngbɛn fan chɛndɛ chɛ suun, koe ɔ sɔn koe a, a si bauncha chɛ ma. A sin, an na‑a bai fɔ wan, a si an koadia deman chɛ ma, Yataa ɛ min chɛ‑a wo a.