MATIU 11:1 - Yataa 'a Dɔbɛnɛ Nama

¹ Chisɔsi ban‑da kɛn a ɔ yian‑da a fɛ den tan kun ma fea n na, an mbe koe min ma, a ka‑a wan nɔ an kaina chɛ, mbɛ a ta‑a Kadidi duu n dɔ, mɔɛ n kan koe a, ni Yataa bai sa koe a mɔɛ n tena.

MATIU 11:1 ပူးပေါင်းရင်းမြစ်များ

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 7:28

Mbɛ Chisɔsi ban‑da kɛn bai chɛ fɔ‑a, mɔɛ miin ni ka nɔ, an da ɔ gbaa‑a wan, a 'a kan chɛ buɛ ma.

MATIU 9:35

Chɛ gbakɔ, Chisɔsi ben ben‑da wan konko n dɔ, a basan duu wa n na, an chɛnyɛ chɛ gbɛɛ ɔ. Ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma. A yɛ to, a‑a mɔɛ n baun fan an 'na gbandi kan kɔ kan dɔ, miin ni an ma.

MAKI 6:12

Mbɛ an gbɛɛ ta‑a, an‑na Yataa bai sa, an dɔ, an ni an kan kɔ sɔ an 'na ko yama n na.

DUKU 23:5

Chɛɛ tima chɛ gbu a ni, an‑na a kɔ din gbasaya wandi gbu a, an dɔ, “Ɛ kanɛ min chɛ tena, ɛ a ma tena wan gbun ba ni gbasi Chudia chɛnyɛ chɛ gbɛɛ ɔ. A‑a a kuu sɔ Kadidi chɛnyɛ ɔ wan, mbɛ sanche gbɛ a che‑a nɛ a 'a kan chɛ‑a.”

DUKU 8:1

Tima ɛnden gbakɔ, Chisɔsi ben ben‑da wan duu n dɔ, ɛ ta‑a sakana bai chɛndɛ chɛ ɔ yian‑da mɔɛ n na, a si Yataa 'a mansaya ma. A fɛ den tan kun ma fea n bɛɛ ni wan a fɛ.

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 15:14

A sin, wo e ma‑a wan mɔɛ n na, n toenɛ ɛ ma‑a miin na tima ɔ tima, ni wo‑a koe chɛ n ma, n mbe miin fɔ‑a wo ye.

CHISƆSI 'A SƆ MƆƐ NU 1:2

aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 10:42

A sin‑na a fɔ wan nn ye, a ɔ, nn ni Yataa bai sa mɔɛ n tena. Mbɛ nn‑na siiya bɔ, a si a wakoe ma. A ɔ yian koe a, mbɛ Yataa‑a a wan Chisɔsi an yian, kaa a tɛ koe a, chɛndɛ ba n ko a, an bɛ fuɛ n na.

Gboo Saa Tɛsadonika Ko A 4:2

Wo wandi‑a a ɔ sɔn fan, Mansa Chisɔsi 'a gbasaya ɔ, nn‑na koe miin fɔ wo ye a ma koe a.

GBOO FEAN BƆƐ TƐSADONIKA KO A 3:10

Nn ni chɛ an fɔ wo ye, mmɔ bɛ ni tima min na. Mbɛ mɔ ɔ mɔ, min ban‑da wai ma, wo ma a ma a ni daunɛ chɛ.

GBOO FEAN BƆƐ TƐSADONIKA KO A 3:6

Nn suun ma nyɔɛ nu Chasi ɔ, nn mbe chɛ fɔ tena wo ye gbau gbau, mmɔ 'a mansa Chisɔsi Chasi tɔɛ ɔ. Wo ma gbɛn suun ma nyɔɛ chɛ n gbɛɛ ma, miin mbe gboo ɔ fa bɔ tena an 'na fɔɛ ɔ. A sin, an mbe ee bea tena koe chɛ n fɛ, nn na‑a min fɔ an ye.

1 TIMOTI 6:14

dasi chɛ ya i sɔɛ a. I ni tachɛ teaya ɔ, mabɔ ee min ma, aan tee chɛ ni che, tee min ma mmɔ 'a mansa Chisɔsi Chasi ɛ na‑a to.