MATIU 10:8 - Yataa 'a Dɔbɛnɛ Nama

⁸ Wo gbandi mɔɛ n baun, mbɛ wo‑a fɔɛ a yɛ chɛ n sun da a, miin faenɛ ɛ. Wo mɔɛ chɛ n baun, gboo ma gbandi yama ɛ miin ma, mbɛ wo‑a nyina yama n gbain mɔɛ n fɛ. N‑na gbasaya chɛ be wo ma gbama an na. N ma fen bia ni wo boo ɔ. Chɛ an fɛ mu, wo wɛɛ, wo ta, wo ni mɔɛ n deman. Wo ma an dɔ tisa fen kɔ fen ko a.

MATIU 10:8 ပူးပေါင်းရင်းမြစ်များ

MATIU 10:1

Chɛ gbakɔ, mbɛ Chisɔsi‑a a fɛ denɛ n chee, an mɔ tan kun ma fea ni. A‑a an chee, a‑a gbasaya be wan an ma, nyina yama n gbain koe a mɔɛ n fɛ. A yɛ to, a‑a gbasaya be wan an ma, mɔɛ n baun koe a an 'na gbandi n gbɛɛ ɔ.

MATIU 10:7

Wo ta Chu mɔɛ n fan tena, mbɛ wo‑a a fɔ an ye, mbɛ Yataa‑a a kuu sɔ a 'a mansa wai chɛ‑a dunya ɔ.

MATIU 10:9

Ni wo sin ma‑a ta‑a, wo ma ta fen kɔ fen na wo boo ɔ. Wo ma ta kɔpɔ a,

MAKI 16:18

Ni an‑na ka n bɛɛ bia, a ee ko ma‑a an na. Chɛ ma, an ni bɔɛɛ wɛɛ min, a ee ko ɔ ko ma‑a an na. An mbe an boo bun‑da wan gbandi mɔɛ n ma, mbɛ an baun‑da.”

DUKU 10:9

Wo gbandi mɔɛ n baun an duu chɛ ɔ, mbɛ wo a fɔ an ye, wo ɔ, ɛnden fan to‑a gbɛ, wo ɔ, mɔɛ n ni don Yataa 'a mansaya kɔɔ.

CHISƆSI 'A SƆ MƆƐ NU 3:6

Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”

CHISƆSI 'A SƆ MƆƐ NU 4:30

A ma mɔɛ n ni i 'a gbasaya ɔ yen, i 'a baun chɛ ɔ. Gbasaya be nn ma, nn ni kun a ma‑a, kamaya ko wa n ni ma, i 'a wai chɛ mɔɛ Chisɔsi tɔɛ ɔ, min mbe tenchen i ko a.”