MATIU 10:41 - Yataa 'a Dɔbɛnɛ Nama

⁴¹ Mɔ ɔ mɔ min mbe a boo si‑a Yataa 'a gbonka chɛ mɔɛ kɔɔ, koe min na mu, a dan‑da a a, mbɛ Yataa 'a gbonka chɛ mɔɛ mu a a, Yataa ɛ tɔnɔnɛ be‑a wan an mɔɛ chɛ ma, yɔ ɛ min nyɔn sima be a 'a gbonka chɛ mɔɛ nu ma. Ni mɔ ɔ mɔ‑a a boo si mɔɛ kɔɔ, min tanden mu Yataa tena, a mu koe min na, a tandenɛ ɛ Yataa a, Yataa ɛ tɔnɔnɛ be‑a wan an mɔɛ chɛ ma, yɔ ɛ min nyɔn sima be mɔɛ chɛ ma, min tanden mu a a.

MATIU 10:41 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 25:44

Mbɛ an bɛɛ, an mbe n dɔ tisa‑a wan, an dɔ, ‘Mansa, tima minan na mu, nn ma i deman ni, koe chɛ n gbɛɛ ɔ, min‑na i tan fɔɛ ɔ?’

MATIU 25:45

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an ban‑da wan koe chɛ n chɛ koe a, n fɛ mɔɛ den tachɛen bɛɛ ye, mbɛ an ban‑da ka a chɛ koe a n fan ye.

MATIU 6:1

Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.

MATIU 6:18

Chɛ ɛ a ma‑a wan, mɔ dɔ mende ee a ɔ sɔn, mbɛ wo e sunɛ ɔ wan. Chɛɛ Fa Yataa, mɔ ɔ mɔ ee min yen, ɛ a ɔ sɔn‑da wan. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”

MATIU 6:4

Chɛ ɛ a ma‑a wan, i 'a wai nyima ni ma nun dɔ koe a. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”

MATIU 6:6

Chɛɛ a sin to, ni i ma‑a samunɛ chɛ‑a, don i 'a dumu ɔ, i ni a da a tɔn, mbɛ i‑a samunɛ chɛ Fa Yataa tena, e ee min yen. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.

MATIU 7:8

Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye.

CHISƆSI 'A SƆ MƆƐ NU 16:15

Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.

GBOO DOMI KO A 16:23

N mbe mɔɛ min bɛɛ 'a sondaya a, chɔchi ɛ si to nɛ an 'na chenɛ a, kai Kayɔsi, ɛ wo kɔndɔn tena ka. Ɛyasitɔsi wɛɛ, min mbe kɔpɔɛ sa tena ɔ bɛn duu chɛ ko a, an fea mmɔ bɔɛ Chisianɛ Kuatɔsi a, an mbe wo kɔndɔn tena ka.

GBOO SAA KƆYINDI KO A 9:17

N mbe ka wai min chɛ‑a, ni n fandi kun ma a ni, n ni pawa ɔ tisa‑a wan. Chɛɛ a ee ka wan. N mbe wai chɛ chɛ tena, koe min na mu, Yataa wandi an‑na n sɔ a chɛ koe a.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

2 CHƆN 1:8

Chɛ an fɛ mu, wo wo kun ma fɛn, min mbe a ma, wo ee fo‑a fen chɛ a, wo‑a wai chɛ min ko a. Chɛɛ wo e wo 'a tɔnɔnɛ gbɛɛ ma sɔn‑da wan.