Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIU 10:40 - Yataa 'a Dɔbɛnɛ Nama

40 Chisɔsi‑a a fɔ gbɛ an ye, a ɔ, “Ni mɔ ɔ mɔ‑a a boo si wo kɔɔ, a ma a si ni wo dechee an kɔɔ, chɛɛ a‑a a si ka n fan kɔɔ. A sin to, mɔɛ min mbe a boo si‑a n kɔɔ, a ma a si ni ka n dechee an kɔɔ, chɛɛ a‑a a si ka Yataa an kɔɔ, min‑na n sɔ.

အခန်းကိုကြည့်ပါ။ ကော်ပီ




MATIU 10:40
18 ပူးပေါင်းရင်းမြစ်များ  

A sin, ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ.”


Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.


Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an ban‑da wan koe chɛ n chɛ koe a, n fɛ mɔɛ den tachɛen bɛɛ ye, mbɛ an ban‑da ka a chɛ koe a n fan ye.


“Mɔ ɔ mɔ min mbe a boo si‑a den mɛsɛ bonda chɛ kɔɔ, a‑a a boo si ka n fan kɔɔ. A sin, mɔ ɔ mɔ min mbe a boo si‑a n kɔɔ, a‑a a boo si ka Yataa an kɔɔ, min‑na n sɔ.”


Mbɛ Chisɔsi‑a a fɔ a fɛ denɛ n ye, a ɔ, “Ni mɔ ɔ mɔ‑a a too ma sɔ wo ma, a‑a a too ma sɔ ka n fan ma. Ni mɔ ɔ mɔ ban‑da wo ɔ, a ban‑da ka n fan dɔ. Chɛɛ a sin mɔɛ min mbe ban‑da n dɔ, a ban‑da ka Yataa an dɔ, min‑na n na na.”


Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”


N mbe chɛ ma din wo tena, mbɛ mɔ ɔ mɔ min mbe a boo si‑a mɔɛ kɔɔ, n‑na miin sɔ, a‑a a boo si ka n fandi wɛɛ an kɔɔ. A sin, mɔ ɔ mɔ min mbe a boo a si‑a n kɔɔ, ɛ ma‑a ka a boo a si‑a Yataa an kɔɔ, min‑na n sɔ.”


Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”


A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.


Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.


A sin, n gboo ɔ yauaen ni boo ɔ boo, min ni kɔndɔfii a wo tena, wo nii ma n tinɔ ni, chɛ ma, wo ni wo boo bɔ n kɔɔ. Chɛɛ wo na‑a n bia wan, yɔ Yataa 'a maeka, yɔ Chisɔsi Chasi wɛɛ.


Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.


Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ