MATIU 10:4 - Yataa 'a Dɔbɛnɛ Nama

⁴ Saimɔn min ni chɛnyɛ ma chɛɛ chɛ mɔɛ a, ni Chudasi Isikayɔti, min na‑a danka Chisɔsi ma tachɛ a.

MATIU 10:4 ပူးပေါင်းရင်းမြစ်များ

MATIU 26:14

Chɛ gbakɔ, Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tan.

MATIU 26:15

Mbɛ a ɔ, “Ni n basan‑da wo ma Chisɔsi bia koe a, wo e fen be‑a n ma?” Mbɛ an bɛɛ an‑na kain gbɛnsɛn bi sawa dan, mbɛ an‑na a be a ma.

MATIU 26:2

“Wo‑a a ɔ sɔn fan, mbɛ a to‑a bi tee fea, mbɛ kun bɔ a ɔ bɛnɛ tima chɛ che‑a. A tima chɛ a, n fan, Mɔ Gbu 'a Denɛ, an mbe n be‑a wan mɔɛ chɛ n ma, miin mbe n fa‑a kɔn gbengbandenɛ ma.”

MATIU 26:47

Chisɔsi to‑a koɔ an na, mbɛ Chudasi, min ni a fɛ den tan kun ma fea chɛ n dɔndɔ a, a na‑a, an bɛ mɔ fanka a. Kɔn kundu ma tɛenɛ, a basan chɛɛ chɛ mɛ a, ɛ an boo ɔ. Chu n tɛ mɔɛ nu Yataa a, an 'na mansa nu, an bɛ Chu gbakoo n na, an fan na‑a mɔɛ chɛ n na na.

MATIU 27:3

Mbɛ Chudasi, min‑na Chisɔsi ma tachɛ ka, a‑a a ɔ yen, an‑na kaa a tɛ buɛ min dɔ a fa koe ma. A faa yɔn‑da wan kaka, mbɛ a‑a a a tinsɔn, mbɛ a‑a koe min ma ka, a ma nyin. Chɛ‑a a ma wan, a ta‑a kain gbɛnsɛn bi sawa chɛ a, an‑na Chisɔsi san a ma min na, mbɛ a‑a a a yɛ an ma.

MAKI 14:10

Mbɛ Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tena, min mbe a ma, a ni Chisɔsi ma tachɛ an ma.

MAKI 14:43

Mbɛ a ya kɔɔɛ a, Chisɔsi to‑a koɔ an na, mbɛ mɔ fanka na‑a a tan. Chudasi, a fɛ den tan kun ma fea chɛ n dɔndɔ, an ni sɔ ɔ an ya ɔ. Mɔɛ miin mbe Chu n tɛ, an bɛ Yataa, an 'na mansa nu, ni Chu n 'na sawa kan mɔɛ nu, an bɛ an 'na gbakoo n na, an fan na‑a an sɔ. Kɔn kundu ma tɛenɛ, a basan chɛɛ chɛ mɛ a, ɛ an boo ɔ.

DUKU 22:3

Mbɛ Chisɔsi fɛ den tan kun ma fea chɛ n tɛ ɔ, dɔndɔ ni wan nɔ, min tɔ ni Chudasi. A tɔɛ ma sien fan ni to, an dɔ, Isikayɔti. Sitana bea‑a wan an Chudasi chɛ fɛ.

DUKU 22:47

A yen ko, Chisɔsi to‑a koɔ an na, mbɛ mɔ fanka an na‑a, mbɛ an‑na a tan. A fɛ den tan kun ma fea chɛ n dɔndɔ, min tɔ ni Chudasi, an ni sɔ ɔ mɔɛ chɛ n ya ɔ. Mbɛ a wan Chudasi chɛ na‑a wan Chisɔsi baima gbɛdɛn, min mbe a ma, a ni Chisɔsi kɔndɔn.

CHƆN 13:2

Chisɔsi ni gbɛ yɛɛ ma daun fenɛ an ma kɔn tena, an bɛ a fɛ denɛ n na. A tima chɛ a, Sitana chɛen fan ni gbɛ Chudasi faa ɔ, Chisɔsi ma tachɛ koe a, chɛɛ ma nyɔnɛ n ma. Chudasi chɛ ni kai Saimɔn Isikayɔti 'a denɛ an na.

CHƆN 6:64

Chɛɛ wo dɔ n ban‑da wo kai fa koe a n na.” Chisɔsi na‑a chɛ fɔ, koe min na mu, a na‑a a ɔ sɔn fan, a ka a fɛ denɛ n chee tima ma, an fɛn mbe ee na‑a an kai fa‑a a a. A yɛ to, an tɛ ɔ, min bɛɛ ɛ na‑a a ma tachɛ‑a, a chɛɛ ma nyɔɛ n ma.

CHƆN 6:71

A da a bai chɛ sien ni ka Chudasi an ma, kai Saimɔn Isikayɔti 'a denɛ. Koe min na mu, Chudasi ni wɛɛ boo ɔ boo Chisɔsi fɛ den tan kun ma fea chɛ n dɔndɔ a, chɛɛ a wan ni danka tena Chisɔsi ma tachɛ‑a, chɛɛ ma nyɔɛ n ma.

CHISƆSI 'A SƆ MƆƐ NU 1:13

Mbɛ an don‑da kɛn duu gbu bu ɔ, an na sɔn‑da wan banda a chen dɔndɔ dumu ɔ, an yia ni min na nɔ banda a. Pita ni wan nɔ, an fea Chɔn na, ni Chimisi an fea Anduu a. Fiipi wɛɛ, an fea Tɔmɔsi a, ni Batɔɔmiu an fea Matiu a. A yɛ to, Chimisi dɔndɔɛ wɛɛ, kai Afiɔsi 'a denɛ ni wan nɔ, ni Saimɔn min ni a 'a chɛnyɛ ma chɛɛ chɛ tena, ni Chudasi dɔndɔɛ wɛɛ, kai Chimisi 'a denɛ.

CHISƆSI 'A SƆ MƆƐ NU 1:25

i 'a sɔ mɔya wai chɛ chɛ koe a. Chudasi‑a a to gbɛ, ta koe a pan, a bɛnden mu kaina.”