MATIU 10:3 - Yataa 'a Dɔbɛnɛ Nama

³ Fiipi ni Batɔɔmiu. Matiu, min ni pawa bia mɔɛ a, ni Tɔmɔsi. Chimisi, kai Afiɔsi 'a denɛ, ni Tadayɔsi.

MATIU 10:3 ပူးပေါင်းရင်းမြစ်များ

MATIU 18:17

Ni chɛ wɛɛ ma‑a, chɛɛ a ma dɔn ni a 'a ko yama ma gba chɛ ma to, a ma siibia gbɛ chɔchi gbu ɔ. Ni a ma a too ma sɔ ni gbɛ chɔchi mɔɛ n bɛɛ ma, ka a fɛ, a bia yɔ mɔɛ min ma Yataa sɔn.

MATIU 27:56

Musu chɛ n tɛ ɔ, bɔɔɛ Mɛi ni wan nɔ, min ka‑a Makadaa duu ɔ. Bɔɔɛ Mɛi dɔndɔɛ wɛɛ, min 'na denɛ n ni Chimisi n fea Chosɛfi a, a ni wan nɔ, a basan kai Sɛbɛdi 'a musu a.

MATIU 9:9

Chisɔsi ka‑a kɛn an kaina chɛ, a to‑a ta an na, mbɛ a‑a kamin dɔndɔ yen. A tɔ ni Matiu, ɛ si ɔ a 'a pawa kain chenɛ a. Mbɛ Chisɔsi ɔ a ma, “Bea n fɛ.” Mbɛ Matiu‑a a a sɔ, mbɛ a bea‑a a fɛ.

MAKI 15:40

Musu n bɛɛ, an ni wan nɔ, an mbe sɔ ɔ pɔɔ, an ya bɛndenɛ ɛ a ma. Bɔɔɛ Mɛi min ka‑a Makadaa duu ɔ, a ni wan nɔ. Bɔɔɛ Mɛi dɔndɔɛ wɛɛ ni wan nɔ. A 'a denɛ ni Chimisi dɔɔma a, ni Chosesi. Bɔɔɛ Sadome wɛɛ ni wan nɔ.

MAKI 2:14

A to‑a tachɛ chɛ an na, mbɛ a‑a pawa bia mɔ dɔndɔ yen, an ni min chee Difai, Afiɔsi 'a denɛ. A ni si ɔ a 'a wai chɛ tena wan. Mbɛ Chisɔsi ɔ te a ma, “Bea n fɛ.” Mbɛ a‑a a kɔɔ sɔ, a bea‑a a fɛ.

DUKU 18:10

A ɔ, “Tima dɔndɔ a, kamin fea n ta‑a wan Yataa 'a kata ɔ samun chɛ tena. Dɔndɔɛ ni Fayisii an na, mbɛ dɔndɔɛ sin ni pawa kain mɔɛ an na.

DUKU 18:11

“Fayisii chɛ ka‑a wan mɔɛ tɔɛ chɛ n baima, mbɛ a ta‑a a sɔ‑a a dɔndɔ gbe a, mbɛ a‑a a kuu sɔ samunɛ chɛ‑a. A ɔ, ‘Yataa, en wai, n ta n mbe ee ka yɔ mɔ dɔ gbɛɛ nu. N ta, n ma bɛnchɛ, n sin ma kafa tɔ a. A yɛ to, n mbe ee waa ma basan musu a, n ma miin fuu ni. Mɔɛ dɔ n mbe ka wan, chɛɛ n ta, n mbe ee ka. En wai, a mu min na, n mbe ee ka yɔ pawa kain mɔɛ chɛ wɛɛ pande sɔ ɔ.

DUKU 18:13

“Chɛɛ pawa kain mɔɛ chɛ sɔ‑a wan pɔɔ, a 'a ko yama maenɛ koa‑a a ma, a‑a a kunɛ a bun gbudu. Mbɛ a‑a a boo bun a kaa ɔ, a ɔ, ‘Yataa, chinchin n ma. Ko yama ma mɔɛ mu n na.’ ”

DUKU 19:2

Yatina, pawa kain mɔɛ n ya ɔ sɔɛ ni wan nɔ Chɛiko, min tɔ ni Sakayɔsi. Nyan tɔ wa ni a a.

DUKU 5:27

Chɛ gbakɔ, Chisɔsi bɔ‑a wan baa ma. Mbɛ a‑a kamin dɔndɔ yen, min ni pawa kain mɔɛ a, a tɔ ni Difai. A ni si ɔ a 'a pawa kain chenɛ a wan, mbɛ Chisɔsi‑a a fɔ a ma, a ɔ, “Bea n fɛ.”

CHƆN 1:48

Natanɛɛ‑a a ɔ tisa, a ɔ, “I ma‑a ka ma, i‑a n sɔn?” Chisɔsi ɔ, “Fiki kɔn chɛ kɔɔ, n‑na i yen nɔ wan, Fiipi e na to i chee‑a.”

CHƆN 11:16

Mbɛ Tɔmɔsi, an ni min tɔɛ ma si, an dɔ, Fɛn Kai, a koɔ‑a a bɔɛ chɛ n tena, a ɔ, “Mmɔ gbɛɛ mmɔ bɛ mmɔ kan mɔ a, mmɔ ta, min mbe a ma, mmɔ ni fa dɔndɔ a.”

CHƆN 14:22

Chisɔsi fɛ denɛ dɔndɔɛ wɛɛ ni wan nɔ, min tɔ ni to Chudasi, Chudasi Isikayɔti nii ma o. Mbɛ an fɛ den chɛ ɔ, “Mansa, e a ma‑a nn fan ni i yen dechee, chɛɛ mɔɛ chɛ nu, Yataa wakoe ee miin faa ɔ dunya chɛ ɔ, an mbe ee i yen‑da. Fen mu chɛ ɛ ma‑a?”

CHƆN 14:5

Mbɛ Tɔmɔsi ɔ, “Mansa, e ta tena kaina min, a yiima kan kɔ kan mbe ee nn ma. Nn mbe ee kun, nn ni chia sɔn ta koe a nɔ. Chɛ ɛ ma wan?”

CHƆN 14:9

Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?

CHƆN 21:2

A fɛ den chɛ n fan ni nɔ. Saimɔn Pita, ni Tɔmɔsi, an ni min chee, Fɛn Kai, ni Natanɛɛ, min na‑a ka Kana, Kadidi chɛnyɛ ɔ, a basan kai Sɛbɛdi 'a denɛ kaima n na. Chisɔsi fɛ denɛ fea dɔ mende n ni wan to nɔ.

CHISƆSI 'A SƆ MƆƐ NU 1:13

Mbɛ an don‑da kɛn duu gbu bu ɔ, an na sɔn‑da wan banda a chen dɔndɔ dumu ɔ, an yia ni min na nɔ banda a. Pita ni wan nɔ, an fea Chɔn na, ni Chimisi an fea Anduu a. Fiipi wɛɛ, an fea Tɔmɔsi a, ni Batɔɔmiu an fea Matiu a. A yɛ to, Chimisi dɔndɔɛ wɛɛ, kai Afiɔsi 'a denɛ ni wan nɔ, ni Saimɔn min ni a 'a chɛnyɛ ma chɛɛ chɛ tena, ni Chudasi dɔndɔɛ wɛɛ, kai Chimisi 'a denɛ.

CHISƆSI 'A SƆ MƆƐ NU 12:17

Chɛɛ Pita ni wan a boo kai‑a an ma, an ma na sɔnkɔɛ chɛ. Mbɛ a si‑a a gbɛɛ ma, a‑a a ɔ yian, Mansa Yataa‑a a ma buɛ min dɔ, a bɔ‑a pimbi chen chɛ a. Pita‑a a fɔ wan an ye, a ɔ, an ni a ɔ yian Chimisi a, a basan an suun ma nyɔɛ n na Chasi ɔ. Mbɛ a ka‑a nɔ, a ta‑a kaina dɔ mende.

CHISƆSI 'A SƆ MƆƐ NU 15:13

An ban‑da kɛn koɔ‑a, Chimisi wɛɛ koɔ‑a wan, a ɔ te, “N suun ma nyɔɛ nu Chasi ɔ, wo wo too ma sɔ n ma.

CHISƆSI 'A SƆ MƆƐ NU 21:18

Banda ɔ ka dɔndɔɛ ma, nn bɛ ta‑a wan Pɔɔ a, Chimisi yen koe a. Nn che‑a kɛn Chimisi tena, chɔchi gbakoo n gbɛɛ a sɔnden fan ni nɔ.

Gboo Kadesia Ko A 1:19

Chɛɛ n nii ma Chisɔsi 'a sɔ mɔ dɔ gbɛɛ yen ni, mɔɔ dechee Chimisi, Mansa Chisɔsi suun ma nyɔɛ.

Gboo Kadesia Ko A 2:9

Chimisi, Pita, ni Chɔn, mɔɛ n na‑a an ya, mɔ gbau gbau wa n fan na. An‑na a ɔ yen kɛn, mbɛ Yataa wandi an na‑a wai chɛ be n ma, koadia demanɛ ɔ, an‑na an boo si wan nn kɔɔ, nn fea Banabasi a. An dɔn‑da wan nn ta koe ma mɔɛ n tena, miin ma Chu mɔ a, mbɛ an sin ta‑a Chu mɔɛ n tena.

CHIMISI 1:1

N fan Chimisi, n fan mbe gboo chɛ nyɛn tena. N mbe wai chɛ tena Yataa an ko a, an fea Mansa Chisɔsi Chasi a. N mbe a nyɛn tena wo wan tena, wo wan Yataa 'a mɔɛ nu, wo wɛn na fasandenɛ ɛ a ɔ gbɛɛ ben‑da dunya ɔ. N mbe wo gbɛɛ kɔndɔn tena kaka.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.