MATIU 10:18 - Yataa 'a Dɔbɛnɛ Nama

¹⁸ An mbe wo bia‑a wan, an ni ta wo a chɛnyɛ ti n tena, an mbe ta‑a wan wo a mansa wa n chen kɔɔ. An mbe chɛ n ma‑a wo a n bakoe an na. Chɛɛ wo e kun‑da wan Yataa 'a sakana bai chɛndɛ ɔ yian‑da mɔɛ chɛ n na, miin ma Chu mɔ a.

MATIU 10:18 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MATIU 10:19

Ni an na‑a wo a, mansa n chen kɔɔ, wo ma wo faa gbaa wo fɔ bai ko a, ni a fɔ buɛ ko a. A mu min na, an tima chɛ a, wo e bai ma sɔn‑da wan, wo e min fɔ‑a.

MATIU 8:4

Mbɛ Chisɔsi‑a a fɔ a ye, a ɔ, “I ma koe chɛ ɔ yian mɔ ɔ mɔ a, chɛɛ ta dɔndɔ gbe mɔɛ chɛ tena, min mbe mmɔ tɛ ɔ Yataa a, a ni i ma fɛn. Mbɛ i‑a yasi chɛ bɔ nɔ Yataa tena, yɔ sawa, Yataa‑a min be Mosisi ma, a‑a a fɔ buɛ min dɔ. Chɛ an mbe a ɔ yian‑da mɔ ɔ mɔ a, mbɛ i baun‑da.”

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 11:7

An mbe ban‑da kɛn Yataa 'a sakana bai chɛ sa‑a, soe ma chianden ba, ɛ bɔ‑a wan son chɛ ɔ, min danka ee ka, mbɛ a‑a chɛɛ bun an ma. Ɛ kun‑da wan an ma, mbɛ a‑a an fa.

KO Ɔ NUNDENƐ 6:9

Sa tɔngbɔɛ chɛ‑a yuu duun bɔɛ tɛ kɛn, mbɛ gbengbe kɔɔ, fen kunyɛ a diama ɛ minda min ma, n‑na fuɛ n yen. An na‑a chɛ n fan fa tee, sɔ koe a den an 'na danaya ɔ Yataa a, a basan Yataa 'a bai sa koe a.