MATIU 10:17 - Yataa 'a Dɔbɛnɛ Nama

¹⁷ Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MATIU 10:17 ပူးပေါင်းရင်းမြစ်များ

MATIU 10:18

An mbe wo bia‑a wan, an ni ta wo a chɛnyɛ ti n tena, an mbe ta‑a wan wo a mansa wa n chen kɔɔ. An mbe chɛ n ma‑a wo a n bakoe an na. Chɛɛ wo e kun‑da wan Yataa 'a sakana bai chɛndɛ ɔ yian‑da mɔɛ chɛ n na, miin ma Chu mɔ a.

MATIU 20:19

mbɛ an‑na n be mɔɛ chɛ n ma, miin ma Chu mɔ n na. An mbe n ma yɛn‑da wan, an ni n bosa, mbɛ an‑na n gbangban kɔn gbengbandenɛ ma, n mbe fa‑a kaina. Chɛɛ tee fea, a sawan bɔɛ, Yataa ɛ a ma‑a wan, n ni n kɔɔ sɔ a ka saya ɔ.”

MATIU 23:34

Chɛ an fɛ mu, n yen ko Yataa 'a gbonka chɛ mɔɛ n na na‑a wo tena. N mbe dɔ sɔ tɔɛ n bɛɛ a na‑a wan, a basan Yataa 'a sawa kan mɔɛ n na. Chɛɛ wo e an dɔ n fa‑a wan kɔn gbengbandenɛ ma, wo ni dɔ n fa chia dɔ mende a, mbɛ wo‑a dɔ n bosa mmɔ 'a samun chɛ chenɛ n na. A tɔɛ n sin, wo e an gbain‑da wan a bɔ duu kan kɔ kan dɔ, an mbe ta‑a kaina.

MATIU 26:59

Mbɛ Chu n tɛ mɔɛ nu Yataa a, an 'na mansa nu, an bɛ Chu kuti wa ɔ mɔɛ n gbɛɛ a, an bun‑da fania siiya yan‑da, a si Chisɔsi ma. An toen ni chia an na, a fa koe a.

MATIU 5:22

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

MAKI 13:12

A sin, mɔɛ ɛ a suun ma nyɔɛ be‑a wan, an ni a fa. A yɛ to, mɔɛ fa ni a 'a denɛ be. Denɛ n bɛɛ gbu sin, an mbe sɔ‑a wan kan, an woo mɔɛ n na, an ni an fa.

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

DUKU 12:11

“Ni an na‑a wo a wo gbɛmbo koe a mmɔ 'a samun chɛ chenɛ n na, ni an na‑a wo a ya ɔ sɔɛ n chen kɔɔ, ni an na‑a wo a kun ti n bɛɛ chen kɔɔ, wo ma wo faa gbaa wo fɔ bai ko a, ni a fɔ buɛ ko a.

CHƆN 11:47

Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHISƆSI 'A SƆ MƆƐ NU 17:14

A ya kɔɔɛ a, mɔɛ chɛ nu nɔ, miin‑na an kai fa ka Chisɔsi a, an‑na Pɔɔ a ta kɔ yii da a. Chɛɛ Sidasi an fea Timoti a, an to‑a wan Bɛyia.

CHISƆSI 'A SƆ MƆƐ NU 22:19

“Mbɛ n dɔ te, ‘Mansa, an‑na a ɔ sɔn fan tea gbu a, n ni koe miin si i 'a mɔɛ n na. Nn 'na samun chɛ chenɛ kan kɔ kan na, n ni ta kaina, n ni an gbasi wan, n mbe yɛ, n mbe an sa pimbi chenɛ a, a si kaifa ma, an mbe min chɛ i a.

CHISƆSI 'A SƆ MƆƐ NU 26:11

Tima sɛsɛ ko a, n‑na an na mɔnɛ wan, Chu n 'na samun chɛ chenɛ n na. A sin to, n‑na butuin chɛ wan, a ma koe a, an ni Yataa main. Mbɛ n yɛ‑a, faatɛ wa ɔ, n‑na ko yawaenɛ sa an ma. N ni ta wan duu wa dɔ mende n bɛɛ ɔ, chɛnyɛ dɔ mende n dɔ.

CHISƆSI 'A SƆ MƆƐ NU 9:2

mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.

Gboo Fiipai Ko A 3:2

Wo wo kun ma fɛn, wuu chɛ n boo ɔ, mɔ yama chɛ nu. An fɛn mbe mɔɛ n na kamincha ka, wo wo kun ma fɛn an boo ɔ.

2 TIMOTI 4:15

I kun ma fɛn a boo ɔ, a mu min na, a ni chɛɛ ma nyɔn ba an na, mmɔ 'a sakana bai ko a.

GBOO IBU MƆƐ N KO A 11:36

Dɔ n sin, an‑na an ma yɛn fan, an‑na an bosa. Mbɛ an‑na dɔ n chii yɔɔɛ a, an ta‑a an na pimbi chenɛ a.