MATIU 10:16 - Yataa 'a Dɔbɛnɛ Nama

¹⁶ Chisɔsi‑a a fɔ a 'a sɔ mɔɛ n ye, a ɔ, “N yen ko wo a ta‑a, wo e ma‑a wan nɔ yɔ ni sa bɔ‑a kui n tɛ. Chɛ an‑na a fɔ, wo yiima a ni sɛn. A yɛ to, wo ni tea a tachɛ ko ɔ ko ɔ, wo e min ma‑a.

MATIU 10:16 ပူးပေါင်းရင်းမြစ်များ

MATIU 24:25

Wo‑a ɔ yen gbɛ, mbɛ koe miin mbe na tena ma‑a, n ban‑da an dɔ yian‑da wo a.

MATIU 24:45

Mbɛ Chisɔsi‑a tai tɛ, a ɔ, “Chɛ an fɛ mu, wo ma yɔ bɔi denɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an nu ma, tima ma.

MATIU 25:2

An mɔ tan chɛ tɛ ɔ, mɔ duu ni nɔ, an yiima tɛen ni kaka, duu sin yiima nii ma tɛ ni.

MATIU 25:4

Chɛɛ yiimatɛ tɔ duu chɛ n tana, an ta‑a wan tu sani a faenɛ a an boo a.

MATIU 25:9

Chɛɛ an bɔɛ chɛ n dɔ, ‘Ni nn‑na chɛ ma, tu min mbe nn boo ɔ, a ee na‑a kun‑da mmɔ gbɛɛ ko a. Chɛ an‑na a fɔ, wo ta tu ma tachɛ mɔɛ n tena, wo ni wo ta san.’

DUKU 10:3

A yen ko, n mbe wo sɔ tena yɔ sa denɛ nu kui n tɛ ɔ. Wo ta gbɛ.

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

CHISƆSI 'A SƆ MƆƐ NU 20:29

N‑na a ɔ sɔn fan, mbɛ ni n ta‑a, fania kan chɛ mɔɛ n mbe na‑a wan n gbaa. An mbe ma‑a wan, yɔ nya fenɛ nu wo tɛ ɔ, a sin, an mbe ee sai bɔ‑a, wo 'a mɔɛ n na.

GBOO SAA KƆYINDI KO A 14:20

N suun ma nyɔɛ nu Chasi ɔ, wo wo boo bɔ den mɛsɛ n 'na yiinachii ɔ. Wo wo yii na chii, yɔ gbakoo nu. Chɛɛ ni ko yama ma ɔ mu, wo ma den toa n na.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 11:14

Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 8:20

Nn mbe nn fandi kun ma fɛn tena wan, mɔɛ n boo ɔ. An ma na gbonyɛ nn na, a si nn tachɛ buɛ ma, boo fen chɛ a, min mbe nn boo ɔ an ko a gbama gbama a.

Gboo Fiipai Ko A 2:15

Chɛ ɛ a ma‑a wan, tɛɛsi ee ma‑a wo ma, wo wɛn mu ka Yataa 'a denɛ n na. Wo tachɛ buɛ mɔ yama wa chɛ n tɛ ɔ, a ni nyan, a ma bɔ an ta a ɛnden bɛɛ a. Mabɔ ee ma‑a wo ma, mɔɛ chɛ n tɛ ɔ, miin dɔ chɛ chɛen mu, ko yama ma mɔ wa chɛ nu. Wo e man‑da wan an tɛ ɔ, yɔ tɔmbuaka n mbe man buɛ min dɔ pimbi ɔ.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Kɔdɔsai Ko A 4:5

Mɔɛ chɛ nu, miin nii ma an kai fa ni Chisɔsi a, ni wo‑a chia ɔ chia ma sɔn, Chasi wakoe ɔ yian koe a an na, wo wo sɔɛ gbɛɛ chɛ a ɔ.

Gboo Saa Tɛsadonika Ko A 2:10

Wo wandi gbu an mu nn 'na sii n na, ni Yataa wɛɛ. Mbɛ tɔmbɛ kan kɔ kan nii nn ma. Nn tanden fan ni, a yɛ to, nn sɔnɛ a koe n ni wo gbɛɛ tena, wo wɛn kai faen mu Chasi a.

Gboo Saa Tɛsadonika Ko A 5:22

Min kɔ min sin mu ko yama a, wo ma wo boo chɛ a ɔ.