MATIU 1:23 - Yataa 'a Dɔbɛnɛ Nama

²³ “A yen ko, sunkun tɔngbɔɛ, min ma kai koe ɔ sɔn, ɛ na tena bu ma‑a, mbɛ a‑a den kainɛ suun. An mbe an den chɛ chee‑a wan, an dɔ, Imanuɛɛ,” min fasaien mu, Yataa ɛ mmɔ tɛ ɔ.

MATIU 1:23 ပူးပေါင်းရင်းမြစ်များ

MATIU 1:24

Mbɛ Chosɛfi‑a a kɔɔ sɔ kɛn chinɔɛ chɛ ɔ, a‑a Mɛi fuu wan, yɔ Mansa Yataa 'a maeka‑a a fɔ buɛ min dɔ a ye, a ni a ma.

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

DUKU 20:44

Defidi wandi gbu yen ko gbɛ, a ɔ, kunka mansa chɛ benden mu a ma. Chɛɛ mɔ kun ma kundi ee koa, a ni ben i ma. A fɔen mu gbɛ, mbɛ kunka mansa chɛ, a bɔ‑a Defidi 'a dambi an dɔ. Fen ko a chɛ ɛ ma?”

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHISƆSI 'A SƆ MƆƐ NU 18:9

Yɛɛ dɔndɔ ma, Mansa Yataa‑a koe ɔ yian fan Pɔɔ a, yɔ a ni cho an dɔ. Yataa‑a a fɔ wan Pɔɔ ye, a ɔ, “Pɔɔ, i ma chian, koe min na mu, n mbe i fɛ. Mɔ ɔ mɔ ee che ko yama ma‑a i a. E Yataa bai sa min na, a a tun, i ma sɛmbɛ. Koe min na mu, mɔ sɛsɛ n mbe wan nɛ duu chɛ ɔ, miin mu n 'na mɔɛ n na.”

GBOO DOMI KO A 8:31

A si koe chɛ n gbɛɛ ma, mmɔ‑a miin dɔ sɔn ka, mmɔ ɛ kun chɛ an fɔ‑a, mbɛ ni Yataa ɛ mmɔ ko a, mmɔ chɛɛ ma nyɔ kan kɔ kan mbe ee kun mmɔ ma.

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

2 TIMOTI 4:22

Mansa Chisɔsi ni tachɛ i a. A 'a dua ni ma wo ma.