MATIU 1:22 - Yataa 'a Dɔbɛnɛ Nama

²² Chɛ gbɛɛ ma‑a gbɛ, min mbe a ma, Yataa na‑a min fɔ suun a 'a gbonka chɛ mɔɛ ye, a ni bɔ a a. A na‑a a fɔ wan, a ɔ,

MATIU 1:22 ပူးပေါင်းရင်းမြစ်များ

MATIU 12:17

A na‑a chɛ fɔ, min mbe a ma, Yataa na‑a bai min don a 'a gbonka chɛ mɔɛ Aisaya da ɔ a fɔ koe a, a ni bɔ a a.

MATIU 13:21

Chɛɛ Yataa 'a bai chɛ ee si an yiima ɔ, tima ɔ yansama ko a. An mbe dan dechee a a tima kundu ɛnden fan ko a. Ni an‑na ko ma gbaaenɛ sa an ma dechee, sakana bai chɛ wako a, an mbe an boo bɔ wan a kɔɔ.

MATIU 13:35

Chɛ na‑a a ɔ yian fan, mbɛ Yataa da a kuiɛ bɔ‑a a a. A 'a gbonka chɛ mɔɛ na‑a a da a kuiɛ min na ben suun, a ɔ, ɛ koɔ‑a an tena tai an dɔ. An ma koe min dɔ sɔn tee, a ka dunya a dan tima ma, ɛ an dɔ yian‑da wan an na.

MATIU 2:15

A sin, an mbe to‑a nɔ wan aan Mansa Ɛdɔdi ni fa. Chɛ ɛ ma‑a, min mbe a ma, Yataa da a kuiɛ ni bɔ a a, a na‑a min na ben suun a 'a gbonka chɛ mɔɛ a. Mbɛ ɛ na‑a wan a 'a denɛ chee‑a, a bɔ Ichipi chɛnyɛ ɔ.

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MATIU 5:17

Chisɔsi ɔ, “A ma ma wo yii ma, mbɛ n na‑a a fɔ koe an na mɔɛ n ye, mbɛ an ma an too ma sɔ to sawa chɛ n ma, Yataa‑a miin be suun Mosisi ma, a basan bai chɛ na, min be‑a Yataa 'a gbonka chɛ mɔɛ n ma. N ma na ni chɛ an na. Chɛɛ n na‑a, min mbe a ma, sawa chɛ nu, a basan gbonka chɛ mɔɛ chɛ n 'na bai n na, an ni bɔ a a.

MATIU 8:17

A 'a mɔ baun buɛ chɛ, a na‑a a ma wan, Yataa 'a gbonka chɛ mɔɛ Aisaya na‑a min fɔ suun, a bɔ‑a a a. Aisaya na‑a a fɔ wan, a ɔ, “A‑a mmɔ bɔ wan mmɔ 'a gbandi n gbɛɛ ɔ.”

DUKU 21:22

A mu min na, a tee chɛ n ma, Yataa ɛ duu chɛ ɔ mɔɛ n tɔɔ‑a wan. A tima an na mu, koe miin gbɛɛ nyɛndenɛ ɛ Yataa 'a gboo ɔ a si an ma, an mbe bɔ‑a a a.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHƆN 10:35

Wo 'a a ɔ sɔn fan, mbɛ Yataa 'a gboo, ɛ bai miin fɔ, tea bai nu mu kuɔ fɔ ko a. A sin, Yataa wandi gbu, an na‑a mɔɛ chɛ n chee yataa dɔma n na. Mɔɛ chɛ nu, a wandi gbu, a ni a 'a sakana bai n na ben mɔɛ miin dɔ.

CHƆN 15:25

Chɛ ma‑a, min mbe a ma, min nyɛnden ni an 'na sawa n dɔ, a ni bɔ a a. A nyɛnden ni ka wan, ‘An too‑a wan n na dechee, n nii ma ko ɔ ko yɔn ni an ma.’

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

CHƆN 18:9

A‑a chɛ fɔ, min mbe a ma, a na‑a min fɔ, a ni bɔ a a. A na‑a a fɔ wan, a ɔ, “Fa, n ma fo ni mɔɛ chɛ n dɔndɔ wɛɛ a, i na‑a mɔɛ miin be n ma, an kun ma fɛn koe a.”

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

GBOO DOMI KO A 1:2

A 'a sakana bai chɛ, a na‑a a ma wan suun tima a gbɔɔ, a 'a gbonka chɛ mɔɛ n‑na tooɔdia chɛ a a. A sin nyɛnden fan mu a 'a gboo ɔ.

KO Ɔ NUNDENƐ 17:17

Koe min na mu, Yataa an‑na a chɛ an faa ɔ, an yiima bɛn‑da kaina dɔndɔ, kuiɛ dɔndɔɛ ɔ, an ni an 'na mansaya be soe yama chɛ ma. Yataa faa ma koe ni a a, an ni ma soe yama chɛ kɔɔ, aan Yataa 'a dɔbɛnɛ gbɛɛ kunɛ a ni bia chɛndɛ chɛ.