MATIU 1:21 - Yataa 'a Dɔbɛnɛ Nama

²¹ Ɛ den kainɛ suun‑da wan. A sin, ni a‑a a suun, a tɔɛ si, i ɔ, Chisɔsi. Koe min na mu, ɛ a 'a mɔɛ n bɔ‑a wan an 'na ko yama n dɔ.”

MATIU 1:21 ပူးပေါင်းရင်းမြစ်များ

MATIU 1:25

Chɛɛ a nii ma a sɔn ni a 'a musu a, aan tima chɛ a, tima min na a‑a den kaien chɛ suun. Mbɛ Chosɛfi‑a a tɔɛ si, a ɔ, Chisɔsi.

DUKU 1:13

Chɛɛ maeka chɛ ɔ, “Sakaaya, i ma chian, koe min na mu, Yataa‑a i 'a samunɛ a min. I 'a musu Disabɛti ɛ den kaienɛ suun‑da wan i ye. A tɔɛ ni ma Chɔn.

DUKU 1:31

A yen ko, e na tena wan bu ya‑a, mbɛ i‑a den kaienɛ suun. A tɔɛ ni ma Chisɔsi.

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 2:21

A suun tee wɔnfean bɔɛ ma, an‑na a a kamincha wan, mbɛ an‑na a tɔɛ wɛɛ si, an dɔ, Chisɔsi. Maeka chɛ na‑a tɔɛ chɛ an yian a ko a, pɛn a de ni a bu ya.

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”

CHISƆSI 'A SƆ MƆƐ NU 13:23

Defidi chɛ, a 'a dambi ɔ mu, Yataa‑a a ma, mmɔ‑a baun mɔɛ ma sɔn, min mu Chisɔsi a. A‑a Isɔɛɛ mɔɛ n too ɔ dia an na.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 3:5

Chɛɛ wo‑a a ɔ sɔn fan, mbɛ Chisɔsi na‑a, min mbe a ma, a ni tɔɔya ka mmɔ kun ma, mmɔ 'a ko yama n ko a. A sin tana, a ma ko yama kan kɔ kan ma ni.

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.