Chisɔsi Chasi suun‑da ka wan. Kamin dɔndɔ ni wan nɔ, min tɔ ni Chosɛfi. A na‑a Chisɔsi de Mɛi too ɔ dia wan, a si koe a musu a. Chɛɛ yatina, an mbe e na to si‑a, Yataa Nyina‑a a ma wan Mɛi bu ma‑a.
Mbɛ a tima chɛ a, musu dɔndɔ ni wan an tanda chɛ ɔ, min ni Kenaan mɔɛ a. A na‑a wan Chisɔsi tena. A bun‑da yee tɛ‑a, a ɔ, “I wɛn bɔ‑a Mansa Defidi 'a dambi ɔ, chinchin n ma. Mansa, n 'na den musuma gbandien mu a yama boo a, nyina yama ɛ a tɔɔ tena.”
A‑a yii chɛ kɛn dechee Chisɔsi kunɛ ɔ, Yataa chia a, Chisɔsi bɔ‑a wan yii ɔ. Mbɛ a yen ko, banda da a ka‑a a ya a a, mbɛ a‑a Yataa Nyina yen, ɛ yii‑a yɔ bugbɔɛ, mbɛ a si‑a a ma.
Mbɛ Chisɔsi ben‑da nɔ ma, mbɛ a bun‑da ta‑a. Mbɛ fion tɔ fea nu, an‑na a sɔ a fɛ. An ni wan yee tɛ‑a gbankon, an dɔ, “I wɛn bɔ‑a Mansa Defidi 'a dambi ɔ, chinchin nn ma.”
Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ.
Yataa na‑a Ebeami too ɔ dia wan, an bɛ a cheeya n na, mbɛ ɛ dunya chɛ gbɛɛ ma‑a an ta a. Yataa na‑a tooɔdia chɛ chɛ Ebeami a, koe min na mu, a na‑a a kai fa wan Yataa a. Chɛɛ Ebeami na‑a bea min chɛ sawa chɛ fɛ, an ko a nii ma. Chɛ ko a, Yataa‑a a ya wan mɔ tandenɛ a a chen kɔɔ.
An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.
Yataa‑a tooɔdia sɛsɛ chɛ wan Ebeami a, ni a cheeya. Yataa 'a gboo ma a fɔ ni, “cheeya nu,” min mbe a ɔ yian, mbɛ an kɔ koo wan. Chɛɛ a yii ni dɔndɔɛ an na, a ɔ, “mbɛ ni i cheeya,” min mu Chasi a.
I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.
“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”