MAKI 9:9 - Yataa 'a Dɔbɛnɛ Nama

⁹ Mbɛ an‑na a kuu sɔ kɔnkɔɛ yii‑a. An mbe yii tena kɔnkɔɛ chɛ an na, mbɛ Chisɔsi‑a dasi be an ma gbau gbau. A ɔ, an‑na koe min dɔ yen ka, a ɔ, an ma a ɔ yian mɔ dɔ mende kan kɔ kan na, a ɔ, aan a na tee ni che. A ɔ, tee chɛ, a wan Mɔ Gbu 'a Denɛ, ɛ a kɔɔ sɔ‑a tee min kɔɔ a ka saya ɔ.

MAKI 9:9 ပူးပေါင်းရင်းမြစ်များ

MATIU 12:19

A faa chimaen mu yɔ tɔnɛnɛ, a sin mbe ee yonka tɛ.

MATIU 12:40

N fan, Mɔ Gbu 'a Denɛ, n mbe tee sawa ni pimbi sawa ya‑a wan fii chima ɔ, yɔ Chona na‑a tee sawa ni pimbi sawa ya buɛ min dɔ nyɛ wa bu ɔ.

MATIU 16:21

A ka gbɛ an tima chɛ ma, Chisɔsi‑a a kuu sɔ wan a ɔ yian‑da a fɛ denɛ n na, mbɛ Yataa ta tima ɛ na tena wan che‑a a ta koe a Chuusaɛn duu ɔ. A ɔ, a sin nɔ mu mɔɛ n mbe an kun puin‑da a ma. A ɔ, nɔ chɛnyɛ gbakoo n ni ma, ni nɔ Chu n tɛ mɔɛ nu Yataa a, an 'na mansa nu, an bɛ Chu n 'na sawa kan mɔɛ n na, an mbe a bia‑a wan. A ɔ, mbɛ an‑na a a tɔɔya, mbɛ an yɛ‑a, an‑na a be a fa mɔɛ n ma. A ɔ, chɛɛ ni an‑na a fa, an ni a tɔn, a ɔ, tee fea a sawan bɔɛ ma, Yataa ɛ a kɔɔ sɔ‑a wan a ka saya ɔ.

MATIU 27:63

Mbɛ an dɔ, “Mansa, tima min na da ɔ gbaa tɔɛ chɛ ni fɔɛ ɔ, nn yii to‑a wan a ɔ, a na‑a bai min fɔ. A na‑a a fɔ wan, a ɔ, Yataa ɛ a kɔɔ sɔ‑a wan a ka saya ɔ, tee fea a sawan bɔɛ ma.

MATIU 8:4

Mbɛ Chisɔsi‑a a fɔ a ye, a ɔ, “I ma koe chɛ ɔ yian mɔ ɔ mɔ a, chɛɛ ta dɔndɔ gbe mɔɛ chɛ tena, min mbe mmɔ tɛ ɔ Yataa a, a ni i ma fɛn. Mbɛ i‑a yasi chɛ bɔ nɔ Yataa tena, yɔ sawa, Yataa‑a min be Mosisi ma, a‑a a fɔ buɛ min dɔ. Chɛ an mbe a ɔ yian‑da mɔ ɔ mɔ a, mbɛ i baun‑da.”

MAKI 5:43

Chɛɛ Chisɔsi‑a an na si wan gbau gbau, a ɔ, an ma a fɔ mɔ ɔ mɔ ye. Mbɛ a ɔ, “Wo daun fenɛ be a ma, a ni a daun.”

MAKI 7:36

Mbɛ Chisɔsi‑a a fɔ mɔɛ chɛ n ye, a ɔ, an ma a ɔ yian mɔ ɔ mɔ a. Chɛɛ a ni a fɔ buɛ min dɔ an ye, an ni ben ka wan a ɔ yian‑da mɔ dɔ gbɛɛ n na.

MAKI 9:10

An‑na a ma wan yɔ Chisɔsi‑a an na si buɛ min dɔ. Chɛɛ an‑na bai chɛ tɛnsɛ wan an dechee tɛ ɔ, a si Chisɔsi kɔɔ sɔ koe ma a ka saya ɔ. A mu min na, a na‑a an na fii wan.

MAKI 9:8

Mbɛ a ya kɔɔɛ a, an‑na an ya a ben ben. An mbe e na mɔɛ min yen gbɛ dechee, mɔɔ Chisɔsi.

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

DUKU 9:36

Yataa koɔen chɛ gbakɔ, an‑na Chisɔsi dɔndɔ gbe an yen gbɛ sɔ ɔ. A fɛ den chɛ n‑na koe chɛ n gbɛɛ sa wan an yii ma, an‑na miin gbɛɛ ɔ yen. An nii ma fua ni a ɔ yian‑da mɔ ɔ mɔ a.