MAKI 9:29 - Yataa 'a Dɔbɛnɛ Nama

²⁹ Mbɛ a ɔ an ma, “Samunɛ dechee, an mbe a ma, wo ni kun ko bonda chɛ ma‑a.”

MAKI 9:29 ပူးပေါင်းရင်းမြစ်များ

MATIU 12:45

Chɛɛ ɛ a bɔ nyina yama wɔnfea chee wan, miin yau an ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua‑a kaka, a ni ben a kɔma ma. Ɛ ma‑a ka wan wo ko yama ma mɔɛ bonda chɛ sima n na, wo wɛn mbe ka ban‑da n dɔ.”

MATIU 17:20

Mbɛ a ɔ an ma, “Danaya a tenden mbe ee wo ɔ Yataa ko a. Chɛ an‑na a ma, wo ma che ni nyina chɛ gbain‑da kaien chɛ fɛ. N ni a ma din wo tena, mbɛ ni danaya ɛnden bɛɛ yɔ chin fen kuu dɔɔma ɛndenɛ wɛɛ, a ma‑a wo ɔ Yataa ko a, ko ɔ ko ee ma‑a nɔ, wo ee che‑a min ma‑a. Wo e kun‑da wan wo ni a fɔ kɔnkɔɛ chɛ ye, wo ɔ, a ni a wandi kuɛn, wo ɔ, a ni ta kaina dɔ mende, mbɛ a kuɛn‑da.”

MAKI 9:28

Chisɔsi don‑da kɛn chenɛ a, an dechee, mbɛ a fɛ denɛ n‑na a ɔ tisa. An‑na a fɔ wan, an dɔ, “Nn toen fan ni nn ni nyina chɛ gbain kaien chɛ fɛ, chɛɛ nn ma kun ni. Fen mu chɛ ma‑a nn na?”

MAKI 9:30

Chɛ gbakɔ, mbɛ Chisɔsi n ka‑a an kaina chɛ, an ben‑da Kadidi chia a. Chisɔsi nii ma to ni mɔ ɔ mɔ ni a ɔ sɔn, an mbe kaina min,

DUKU 11:26

a dɔndɔ gbe ee bea to a fɛ. Chɛɛ ɛ a bɔ nyina yama wɔnfea chee wan, miin yau a ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua kaka, a ni ben a kɔma ma.”

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

GBOO SAA KƆYINDI KO A 9:27

Chɛɛ n mbe n fandi gboo ma wan tindin, mbɛ n‑na n tachɛ buɛ ma mɛn. N mbe chɛ ma, min mbe a ma, Yataa ma na n na yɛ a boo kɔ, ni n ban‑da mɔɛ n chee‑a bui chɛ koe a.

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

GBOO FEAN BƆƐ KƆYINDI KO A 12:8

N‑na Mansa Chisɔsi fai wan, gba sawa ko a, an koe chɛ ma, n dɔ, a ni n boo ka.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

CHIMISI 5:15

An mɔɛ chɛ n 'na samunɛ, danaya ɔ, ɛ a ma‑a wan, Mansa Yataa ni an mɔɛ chɛ baun, a ni a kɔɔ sɔ gbandi chɛ ɔ. Ni a sin na‑a ko yama kan kɔ kan ma, Yataa ɛ a boo bɔ‑a wan a ɔ. A mu min na, an‑na a ɔ yian, mbɛ an kai faen fan mu Yataa a.