MAKI 9:26 - Yataa 'a Dɔbɛnɛ Nama

²⁶ A ya kɔɔɛ a, nyina yama chɛ‑a yee tɛ gbankon, a‑a a ma, gbɔgbɔi‑a den chɛ bondan bin, mbɛ a ka‑a a fɛ. Kaienɛ gbu ma‑a yɔ su, min‑na a ma, mɔɛ sɛsɛ‑a a fɔ, an dɔ, a fa‑a.

MAKI 9:26 ပူးပေါင်းရင်းမြစ်များ

MATIU 15:22

Mbɛ a tima chɛ a, musu dɔndɔ ni wan an tanda chɛ ɔ, min ni Kenaan mɔɛ a. A na‑a wan Chisɔsi tena. A bun‑da yee tɛ‑a, a ɔ, “I wɛn bɔ‑a Mansa Defidi 'a dambi ɔ, chinchin n ma. Mansa, n 'na den musuma gbandien mu a yama boo a, nyina yama ɛ a tɔɔ tena.”

MAKI 1:26

Nyina yama chɛ‑a kamin chɛ bondan fan gbasaya a, a‑a yee wa tɛ, mbɛ a ka‑a a fɛ.

MAKI 9:18

Ni nyina yama chɛ na‑a a baima tima ɔ tima, ɛ a a bea wan, mbɛ a da a yii fɔnfɔnɛ bun‑da bɔ‑a. A sin to, ɛ a nyinɛ a daun daun fan, mbɛ a gbɛa‑a gbau. N‑na i fɛ denɛ n dɔ tisa wan, an ni nyina yama chɛ gbain a fɛ, chɛɛ an ma kun ni.”

MAKI 9:20

Mbɛ an na‑a denɛ gbu a a tena. Nyina yama chɛ‑a Chisɔsi yen kɛn dechee, a ya kɔɔɛ a, a‑a denɛ gbu bondan duu ma, gbɔgbɔi chɛ‑a a ɔ. Mbɛ a bun‑da a ma chɛɛ chɛ‑a, a da a yii fɔnfɔnɛ ɛ ta‑a bɔ‑a.

MAKI 9:25

Chisɔsi‑a a ɔ yen kɛn mɔ fanka da ɛ koa‑a tun, mbɛ a‑a a fɔ wan nyina yama chɛ ma, a ɔ, “I wan nyina chɛ, i wɛn mbe mɔɛ too gbee, e mɔɛ ma to mumunɛ a, ka den chɛ fɛ fion. A sin, i ma bea to a fɛ kuɔ fɔ.”

MAKI 9:27

Chɛɛ Chisɔsi‑a a bia wan a boo ma, mbɛ a‑a a kɔɔ sɔ, a sɔ‑a sa.

KO Ɔ NUNDENƐ 12:12

Wo buɔdia bɔ, wo gbɛɛ, wo wɛn mbe banda bu ɔ. Chɛɛ wo wɛn mbe duu gboo ma, miin mbe kɔ yii ɔ, kasaa naen mu gba wo ko a. Nyina yama n 'na mansa, a fesan‑da nɛ, a a yii‑a nɔ wo kun ma, a faa gbandima wa ɛ, a‑a a ɔ sɔn fan, mbɛ tima ma dɔɔya‑a, a 'a wai chɛ koe a.”