MAKI 9:25 - Yataa 'a Dɔbɛnɛ Nama

²⁵ Chisɔsi‑a a ɔ yen kɛn mɔ fanka da ɛ koa‑a tun, mbɛ a‑a a fɔ wan nyina yama chɛ ma, a ɔ, “I wan nyina chɛ, i wɛn mbe mɔɛ too gbee, e mɔɛ ma to mumunɛ a, ka den chɛ fɛ fion. A sin, i ma bea to a fɛ kuɔ fɔ.”

MAKI 9:25 ပူးပေါင်းရင်းမြစ်များ

MATIU 12:22

Chɛ gbakɔ, mbɛ mɔɛ dɔ n na‑a wan kamin dɔndɔ a Chisɔsi tena, nyina yama ni min fɛ. Nyina yama chɛ, an‑na a ma wan kamin chɛ ya te‑a, a sin nii che koɔ‑a. Mbɛ Chisɔsi‑a a baun, a‑a a ma a koɔ‑a, mbɛ a ya wɛɛ a ka‑a, a‑a kaina yen.

MATIU 17:18

Mbɛ an na‑a den chɛ a a tena. Nyina yama min ni ka den chɛ fɛ, Chisɔsi ɔ te, a ni ka a fɛ. Nyina yama chɛ ka‑a wan a fɛ, a baun‑da a ya kɔɔɛ a.

MAKI 9:15

Mɔɛ chɛ n gbɛɛ, an‑na Chisɔsi yen kɛn dechee na‑a, an da ɔ gbaa‑a wan gbechee. Mbɛ an‑na bui sa a a a tena, an ta‑a a kɔndɔn.

MAKI 9:24

Mbɛ a ya kɔɔɛ a, den chɛ fa chɛ ɔ, “Danaya ɛ wan n dɔ, chɛɛ a ma gbɛ, n ni che n kai fa‑a i a, basan n ma!”

MAKI 9:26

A ya kɔɔɛ a, nyina yama chɛ‑a yee tɛ gbankon, a‑a a ma, gbɔgbɔi‑a den chɛ bondan bin, mbɛ a ka‑a a fɛ. Kaienɛ gbu ma‑a yɔ su, min‑na a ma, mɔɛ sɛsɛ‑a a fɔ, an dɔ, a fa‑a.

DUKU 11:14

Kamin dɔndɔ ni wan nɔ, nyina yama ni min fɛ. An nyina yama chɛ nii dɔn kamin chɛ ni koɔ. Tee dɔndɔ a, Chisɔsi na‑a an nyina yama chɛ gbain fan an kamin chɛ fɛ. A ka‑a kɛn a fɛ, kamin chɛ‑a a kuu sɔ wan gbɛ koɔ‑a. An mɔ fanka chɛ n tɛnɛ‑a wan koe chɛ a.

DUKU 4:35

Mbɛ Chisɔsi‑a a fɔ nyina yama chɛ ma, a ɔ, a ni a da a tɔn, mbɛ a sin ni ka kamin chɛ fɛ. Nyina yama chɛ‑a kamin chɛ a bea duu ma an gbɛɛ ya kɔɔ, mbɛ a ka‑a a fɛ, a sin nii ma ko yama kan kɔ kan ma ni a a.

DUKU 4:41

A na‑a nyina yama n bɛɛ gbain fan to mɔ sɛsɛ fɛ. An sin ni kɛn ka tena mɔɛ chɛ n fɛ, an ni wan yee tɛ‑a, an dɔ, “Yataa 'a denɛ mu i a.” Chɛɛ Chisɔsi ɔ, an ni an da a tɔn. A sin nii ma dɔn ni an ni koɔ to, a mu min na, an na‑a a ɔ sɔn fan, mbɛ kunka mansa mu an na.

DUKU 9:42

Den chɛ to‑a na an na, mbɛ nyina yama chɛ‑a a a bea duu ma, mbɛ a bun‑da a ma chɛɛ chɛ‑a. Chisɔsi‑a a fɔ nyina yama chɛ ma, a ɔ, a ni ka den chɛ fɛ. Nyina yama chɛ ka‑a wan a fɛ. Mbɛ Chisɔsi‑a a a yɛ a fa ma.

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

CHUDA 1:9

Chɛɛ maeka n 'na mansa dɔndɔ wɛɛ, min tɔ mu Maikɛɛ, a nii ma Sitana main ni. A na‑a a fɔ wan dechee a ma, a ɔ, Mansa Yataa ni a tɔɔya. Chɛ ma‑a Mosisi su kun ma wan. An fea chɛ dɔndɔ toen ni a ni su chɛ ya, min na ban‑da kɔɔsa ma an tɛ ɔ.