MAKI 9:20 - Yataa 'a Dɔbɛnɛ Nama

²⁰ Mbɛ an na‑a denɛ gbu a a tena. Nyina yama chɛ‑a Chisɔsi yen kɛn dechee, a ya kɔɔɛ a, a‑a denɛ gbu bondan duu ma, gbɔgbɔi chɛ‑a a ɔ. Mbɛ a bun‑da a ma chɛɛ chɛ‑a, a da a yii fɔnfɔnɛ ɛ ta‑a bɔ‑a.

MAKI 9:20 ပူးပေါင်းရင်းမြစ်များ

MAKI 1:26

Nyina yama chɛ‑a kamin chɛ bondan fan gbasaya a, a‑a yee wa tɛ, mbɛ a ka‑a a fɛ.

MAKI 9:18

Ni nyina yama chɛ na‑a a baima tima ɔ tima, ɛ a a bea wan, mbɛ a da a yii fɔnfɔnɛ bun‑da bɔ‑a. A sin to, ɛ a nyinɛ a daun daun fan, mbɛ a gbɛa‑a gbau. N‑na i fɛ denɛ n dɔ tisa wan, an ni nyina yama chɛ gbain a fɛ, chɛɛ an ma kun ni.”

MAKI 9:19

Mbɛ Chisɔsi ɔ, “A sin, wo e ka buɛ min dɔ, wo ee dan ko a. A ɔ yansan gbɛ mmɔ bɛ ɛ mmɔ nyɔn fɛ, fen mu wo ee dan n na? N ma a ɔ sɔn n mbe fen ma to wo ko a. Na i 'a denɛ a.”

MAKI 9:21

Mbɛ Chisɔsi ɔ den chɛ fa ma, a ɔ, “Gbandi chɛ‑a den chɛ bia sɔyɔ?” Mbɛ a ɔ, “A den mɛsɛ tɔɛ a.

MAKI 9:26

A ya kɔɔɛ a, nyina yama chɛ‑a yee tɛ gbankon, a‑a a ma, gbɔgbɔi‑a den chɛ bondan bin, mbɛ a ka‑a a fɛ. Kaienɛ gbu ma‑a yɔ su, min‑na a ma, mɔɛ sɛsɛ‑a a fɔ, an dɔ, a fa‑a.

DUKU 4:35

Mbɛ Chisɔsi‑a a fɔ nyina yama chɛ ma, a ɔ, a ni a da a tɔn, mbɛ a sin ni ka kamin chɛ fɛ. Nyina yama chɛ‑a kamin chɛ a bea duu ma an gbɛɛ ya kɔɔ, mbɛ a ka‑a a fɛ, a sin nii ma ko yama kan kɔ kan ma ni a a.

DUKU 9:39

A yen ko, nyina yama an mbe a a bea tima ɔ tima. Ni nyina chɛ‑a a a bea dechee, ɛ a kuu sɔ wan yee tɛ‑a, mbɛ a da yii fɔnfɔnɛ bun‑da bɔ‑a. Ɛ a ma chɛɛ chɛ wan tima ɔ yansama ko a, a ee fua a boo ka‑a a a.

DUKU 9:42

Den chɛ to‑a na an na, mbɛ nyina yama chɛ‑a a a bea duu ma, mbɛ a bun‑da a ma chɛɛ chɛ‑a. Chisɔsi‑a a fɔ nyina yama chɛ ma, a ɔ, a ni ka den chɛ fɛ. Nyina yama chɛ ka‑a wan a fɛ. Mbɛ Chisɔsi‑a a a yɛ a fa ma.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.