MAKI 9:18 - Yataa 'a Dɔbɛnɛ Nama

¹⁸ Ni nyina yama chɛ na‑a a baima tima ɔ tima, ɛ a a bea wan, mbɛ a da a yii fɔnfɔnɛ bun‑da bɔ‑a. A sin to, ɛ a nyinɛ a daun daun fan, mbɛ a gbɛa‑a gbau. N‑na i fɛ denɛ n dɔ tisa wan, an ni nyina yama chɛ gbain a fɛ, chɛɛ an ma kun ni.”

MAKI 9:18 ပူးပေါင်းရင်းမြစ်များ

MATIU 15:22

Mbɛ a tima chɛ a, musu dɔndɔ ni wan an tanda chɛ ɔ, min ni Kenaan mɔɛ a. A na‑a wan Chisɔsi tena. A bun‑da yee tɛ‑a, a ɔ, “I wɛn bɔ‑a Mansa Defidi 'a dambi ɔ, chinchin n ma. Mansa, n 'na den musuma gbandien mu a yama boo a, nyina yama ɛ a tɔɔ tena.”

MATIU 17:16

N na‑a wan a a i fɛ denɛ n tena, chɛɛ an ma kun ni a baun koe a.”

MATIU 8:12

A tima chɛ a, Isɔɛɛ mɔɛ n sɛsɛ, kaina ɔ bɛnden ni miin ko a Yataa 'a mansaya kɔɔ, an na ɛ dɛ‑a wan baa ma, pimbi pimbi ɔ. An mbe ma‑a kaina di chɛ‑a, a basan an nyinɛ a daunɛ a tɔɔya a.”

MAKI 11:23

N ni a ma din wo tena, mɔ ɔ mɔ min mbe a fɔ‑a kɔnkɔɛ chɛ ma, a ɔ, a ni kuɛn, a ni ta, a ni si yii wa ɔ, ni sika ee a ɔ Yataa a, ɛ ma wan. Ni a danden fan mu a a dechee a faa ɔ, mbɛ ɛ koe min dɔ tisa tena, ɛ kun fan a ni ma, Yataa ɛ a ma wan a ye.

MAKI 9:17

Mbɛ kamin dɔndɔ, fanka chɛ ɔ, a ɔ, “Ticha, n na‑a ka n 'na den kainɛ an na i tena, nyina yama ɛ min fɛ. A‑a a ma wan, den chɛ ee che koɔ‑a.

MAKI 9:19

Mbɛ Chisɔsi ɔ, “A sin, wo e ka buɛ min dɔ, wo ee dan ko a. A ɔ yansan gbɛ mmɔ bɛ ɛ mmɔ nyɔn fɛ, fen mu wo ee dan n na? N ma a ɔ sɔn n mbe fen ma to wo ko a. Na i 'a denɛ a.”

MAKI 9:20

Mbɛ an na‑a denɛ gbu a a tena. Nyina yama chɛ‑a Chisɔsi yen kɛn dechee, a ya kɔɔɛ a, a‑a denɛ gbu bondan duu ma, gbɔgbɔi chɛ‑a a ɔ. Mbɛ a bun‑da a ma chɛɛ chɛ‑a, a da a yii fɔnfɔnɛ ɛ ta‑a bɔ‑a.

MAKI 9:26

A ya kɔɔɛ a, nyina yama chɛ‑a yee tɛ gbankon, a‑a a ma, gbɔgbɔi‑a den chɛ bondan bin, mbɛ a ka‑a a fɛ. Kaienɛ gbu ma‑a yɔ su, min‑na a ma, mɔɛ sɛsɛ‑a a fɔ, an dɔ, a fa‑a.

CHISƆSI 'A SƆ MƆƐ NU 7:54

An‑na bai chɛ a min kɛn, an faa tɛ‑a wan gbeden Sitibin da a bai chɛ ma. Mbɛ an bun‑da an nyinɛ a daun‑da mɔnɛ ɔ, a si a ma.

CHUDA 1:13

A yɛ to, ni yii fa‑a, ɛ fenɛ n na fɔnɔ wan tindi ma, mbɛ a yɛ‑a. Mɔɛ chɛ n bɛɛ, an mbe ka wan. An mbe an 'na mauma koe n to ka wan an gbaa, mbɛ an ta‑a. An mbe wan to yɔ tɔmbuaka chɛ nu, miin ka‑a chia chɛ ma, Yataa‑a min yian an na, mbɛ an ta‑a an ta gbee a. Yataa‑a kaina ɔ bɛn an ko a, ma koe a pimbi pimbi ɔ kuɔ fɔ ko a.