MAKI 9:17 - Yataa 'a Dɔbɛnɛ Nama

¹⁷ Mbɛ kamin dɔndɔ, fanka chɛ ɔ, a ɔ, “Ticha, n na‑a ka n 'na den kainɛ an na i tena, nyina yama ɛ min fɛ. A‑a a ma wan, den chɛ ee che koɔ‑a.

MAKI 9:17 ပူးပေါင်းရင်းမြစ်များ

MATIU 12:22

Chɛ gbakɔ, mbɛ mɔɛ dɔ n na‑a wan kamin dɔndɔ a Chisɔsi tena, nyina yama ni min fɛ. Nyina yama chɛ, an‑na a ma wan kamin chɛ ya te‑a, a sin nii che koɔ‑a. Mbɛ Chisɔsi‑a a baun, a‑a a ma a koɔ‑a, mbɛ a ya wɛɛ a ka‑a, a‑a kaina yen.

MATIU 17:15

a ɔ, “Mansa, gbɔgbɔi an mbe n 'na den kaienɛ ma. Ɛ a tɔɔya tena, a ma chianden mu. Tima sɛsɛ ko a, ɛ a a bea wan ta ɔ. Dɔ n na, ɛ a a dɛ wan yii wɛɛ ɔ. Chɛ an fɛ mu, chinchin n 'na den chɛ ma.

MATIU 9:32

Kamin fea chɛ nu, miin ya a ka‑a ka, an mbe ta‑a, mbɛ a yen ko, mɔɛ n na‑a kamin dɔndɔ a. A nii koɔ, koe min na mu, nyina yama an ni a fɛ.

MAKI 10:13

Chɛ gbakɔ, mɔɛ dɔ n na‑a wan an 'na den mɛsɛ n na Chisɔsi tena. An toen ni a ni a boo bun an kun ma, a ni samunɛ chɛ an ko a. Chɛɛ a fɛ denɛ n‑na chɛ ɔ yen kɛn, an‑na mɔɛ chɛ n na gban fan.

MAKI 5:23

A‑a a disa, a sɔɛ gbɛɛ a, a ɔ, “N 'na den musuenɛ e na fa‑a. I dimu, na i ni i boo bun a ma, a ni baun, a fɔɛ ni yɛ to a ma.”

MAKI 7:26

Chu mɔ nii ma an musu chɛ a. A sin, a suun‑da Siyia chɛnyɛ ɔ wan, Fonisia tanda ɔ. A‑a Chisɔsi disa wan, nyina yama chɛ gbain koe a 'a den chɛ fɛ.

MAKI 9:16

Mbɛ Chisɔsi ɔ a fɛ den chɛ n ma, a ɔ, “Wo e fen kɔɔsa bia ɔ, wo bɛ mɔɛ chɛ n na?”

MAKI 9:18

Ni nyina yama chɛ na‑a a baima tima ɔ tima, ɛ a a bea wan, mbɛ a da a yii fɔnfɔnɛ bun‑da bɔ‑a. A sin to, ɛ a nyinɛ a daun daun fan, mbɛ a gbɛa‑a gbau. N‑na i fɛ denɛ n dɔ tisa wan, an ni nyina yama chɛ gbain a fɛ, chɛɛ an ma kun ni.”

MAKI 9:25

Chisɔsi‑a a ɔ yen kɛn mɔ fanka da ɛ koa‑a tun, mbɛ a‑a a fɔ wan nyina yama chɛ ma, a ɔ, “I wan nyina chɛ, i wɛn mbe mɔɛ too gbee, e mɔɛ ma to mumunɛ a, ka den chɛ fɛ fion. A sin, i ma bea to a fɛ kuɔ fɔ.”

DUKU 11:14

Kamin dɔndɔ ni wan nɔ, nyina yama ni min fɛ. An nyina yama chɛ nii dɔn kamin chɛ ni koɔ. Tee dɔndɔ a, Chisɔsi na‑a an nyina yama chɛ gbain fan an kamin chɛ fɛ. A ka‑a kɛn a fɛ, kamin chɛ‑a a kuu sɔ wan gbɛ koɔ‑a. An mɔ fanka chɛ n tɛnɛ‑a wan koe chɛ a.

DUKU 9:38

Mbɛ kamin dɔndɔ yen ko an fanka chɛ ɔ, ɛ yee tɛ‑a, a ɔ, “Ticha, n 'na den kaima an nɛ, n 'na den dɔndɔ gbe. N mbe i disa tena, i ni n deman a a.

CHƆN 4:47

Mbɛ kamin chɛ, a‑a Chisɔsi na koe a min Kadidi, a ka Chudia chɛnyɛ ɔ. A‑a chɛ a min kɛn, mbɛ a na‑a a tan. Kamin chɛ‑a Chisɔsi ɔ tisa wan, disa ɔ, a ɔ, an ni yii Kapanaun, a ni a 'a denɛ a baun, min ni gbɛ sa ɔ dechee saya ma kɔnɛ a.