MAKI 8:6 - Yataa 'a Dɔbɛnɛ Nama

⁶ Mbɛ a‑a a fɔ mɔɛ chɛ n gbɛɛ tɛtɛ ye, a ɔ, an ni si duu ma, mbɛ an gbɛɛ si‑a. Mbɛ a‑a biidi wɔnfea chɛ ya, mbɛ a‑a Yataa wai bɔ, daun fen chɛ ko a. A‑a a ɔ kai kai wan, mbɛ a‑a a be a fɛ denɛ n ma, a ɔ du du koe a mɔɛ chɛ n ma. An sin‑na a ɔ du du wan an ma.

MAKI 8:6 ပူးပေါင်းရင်းမြစ်များ

MATIU 26:26

An mbe kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, mbɛ a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”

MAKI 8:20

Mbɛ Chisɔsi ɔ, “N na‑a mɔ wu naanin chɛ n bɛɛ da kɔ tima min na biidi gbugbu wɔnfea a, samba fa yuu na‑a to, an da tɔɛ ɔ?” Mbɛ an dɔ, “Samba wɔnfea.”

MAKI 8:5

Mbɛ Chisɔsi ɔ, “Biidi yuu ɛ nɛ, wo boo ɔ?” Mbɛ an dɔ, “Gbugbu wɔnfea.”

MAKI 8:7

Nyɛ ɛndenɛ wɛɛ ni wan to nɔ an boo ɔ. Chisɔsi‑a tando be wan Yataa ma, a wɛɛ ko a, mbɛ a‑a a be a fɛ denɛ n ma, a du koe a to mɔɛ chɛ n ma.

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

DUKU 24:30

Mbɛ an bɛ si‑a an na daun chɛ tena, mbɛ Chisɔsi‑a biidi ya, a‑a Yataa wai bɔ a ko a, mbɛ a‑a a tɛ kai, mbɛ a‑a a du an ma.

CHƆN 2:5

Mbɛ Chisɔsi de‑a a fɔ bɔi den chɛ n ye, miin ni gbɛ kun ma, min ban‑da ka, a ɔ, “Bai ɔ bai, ɛ min fɔ‑a wo ye, wo a ma.”

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

GBOO DOMI KO A 14:6

An mɔɛ chɛ nu, miin mbe a ma tena, mbɛ tee ɛ wan nɔ, min mu tee wa a, an mɔɛ chɛ n mbe chɛ ma tena Mansa Yataa 'a basɔmaya an ko a. Mɔɛ chɛ nu, miin daun fen tɛ bɔ ee, an bɛɛ an mbe ma ka chɛ ma‑a Mansa Yataa 'a basɔmaya an ko a. Koe min na mu, daun fenɛ kan kɔ kan, an ni ma a daun‑da, an mbe Yataa wai bɔ pɛn, a be koe a an ma. Mɔɛ chɛ n bɛɛ, miin mbe an daun fenɛ tɛ bɔ, an bɛɛ ɛ ma ka basɔmaya be‑a Mansa Yataa an ma. Koe min na mu, an mbe ma ban‑da daun fen kan kɔ kan dɔ, an mbe Yataa wai bɔ wan, a ma koe a an ni ban a ɔ.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.