MAKI 8:34 - Yataa 'a Dɔbɛnɛ Nama

³⁴ Mbɛ Chisɔsi‑a mɔ fanka fanka chɛ n chee a tena, ni a fɛ denɛ n bɛɛ. Mbɛ a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

MAKI 8:34 ပူးပေါင်းရင်းမြစ်များ

MATIU 10:38

Ni mɔɛ min mbe ee a ma bɛn‑da mɔnɛ ɔ bia koe a n ko a, ni fa koe a, a e na to bea‑a n fɛ, an mɔɛ chɛ ee che ma‑a n fɛ denɛ a.

MATIU 16:24

Mbɛ a ɔ an gbɛɛ ma, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

MATIU 27:32

An to‑a bɔ an na Chuusaɛn duu chɛ ɔ, mbɛ an bɛn‑da kamin dɔndɔ a. Kamin chɛ tɔ ni Saimɔn. A sin, a ni ka tena Sayini duu ɔ wan, ɛ na‑a Chuusaɛn. An‑na a din fan a ma, a ni ta kɔn gbengbanden chɛ a Chisɔsi ko a.

MAKI 10:21

Mbɛ Chisɔsi‑a kamin chɛ ma fɛn, a wakoe a dia‑a a ye. Mbɛ a ɔ kamin chɛ ma, a ɔ, “Ko dɔndɔ an to‑a, e min ma gbɛ. Ta, i ni i boo fenɛ gbɛɛ ma tachɛ. Mbɛ i‑a an kɔpɔɛ chɛ ya, i‑a a be yɔn tɔɛ n ma. Chɛ‑a a ma‑a wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a, i ma‑a n fɛ denɛ a.”

MAKI 7:14

Mbɛ Chisɔsi‑a mɔ fanka chɛ n chee to a tena. A ɔ, “Wo gbɛɛ, wo wo too ma sɔ, n da a bai ma, wo ni a ɔ gbɛ.

DUKU 13:24

“Wo butuinɛ chɛ, wo ni ben an chen da a dɔɔyaen chɛ a, don koe a Yataa 'a mansaya kɔɔ. Koe min na mu, n ni a ma din wo tena, mbɛ mɔ sɛsɛ n mbe butuinɛ chɛ‑a wan tee dɔndɔɛ kɔɔ don koe a nɔ, chɛɛ an mbe ee na‑a kun‑da.

DUKU 14:33

Chɛ an‑na a fɔ, wo dɔndɔ wɛɛ ee che ma‑a n fɛ denɛ a, mɔɔ ni a mɔɛ chɛ‑a a kan kɔ sɔ fen kɔ fen na, min mbe a boo ɔ.

DUKU 18:22

Chisɔsi‑a chɛ a min kɛn, mbɛ a ɔ, “Ko dɔndɔ gbe an to‑a, e min ma gbɛ. I boo fenɛ n gbɛɛ ma tachɛ. Mbɛ i‑a a kɔpɔɛ chɛ ya, i‑a a be yɔn tɔɛ n ma. Chɛ‑a a ma wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a i ma‑a n fɛ denɛ a.”

DUKU 20:45

Mɔɛ n gbɛɛ too ma sɔenɛ ni Chisɔsi ma, mbɛ a‑a a fɔ a fɛ denɛ n ye, a ɔ,

DUKU 9:23

Mbɛ a‑a a fɔ an gbɛɛ ye, a ɔ, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn tee ɔ tee a, mɔnɛ ɔ bia koe a n ko a, a basan fa koe a.

CHƆN 10:27

N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

CHƆN 19:17

Chisɔsi wandi an to‑a a 'a kɔn gbengbandenɛ chɛ suun‑da aan an bɔ‑a an duu chɛ ɔ. Mbɛ a‑a a fo kaina, an ni min chee, an dɔ, Kun Konkonɛ Ma. Chu mɔɛ n ni nɔ chee, an dɔ, Kɔkɔta.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

GBOO SAA KƆYINDI KO A 15:31

N suun ma nyɔɛ nu Chasi ɔ, tee ɔ tee a, n kaa ɔ kaen fan mu saya ko a. N mbe yonka tɛ wan wo wakoe ma, a si fɔɛ chɛ ma, mmɔ ɛ min dɔ. Mmɔ ɛ wan kuiɛ dɔndɔya ɔ, mmɔ bɛ mmɔ 'a mansa Chisɔsi Chasi a. An fɛ mu, n mbe chɛ fɔ tena den.

GBOO SAA KƆYINDI KO A 8:13

Chɛ an fɛ mu, ni n daun fenɛ an mbe a ma, n suun ma nyɔɛ ɛ ko yama ma, mbɛ n mbe ee soe daun‑da to. Min mbe a ma, n ma na n suun ma nyɔɛ a dɛ ko yama ɔ.

GBOO SAA KƆYINDI KO A 9:19

Chɛ ɛ a ɔ yian fan, mbɛ mɔ ɔ mɔ 'a yɔn ma n na. Chɛɛ chɛ gbɛɛ ɔ, n‑na n fandi ma yɔnɛ a mɔ ɔ mɔ ko a. Chɛ ni a ma, n ni na mɔɛ n gbɛɛ a, n mbe che na‑a miin na Chisɔsi Chasi tena.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 5:24

Mɔɛ chɛ n sin, miin gbɛɛ, an mbe Chisɔsi Chasi ko a, an‑na chɛ an ma. Koe gbɛɛ, min ma nyin an 'na mɔgbuya ɔ, an faa ɛ miin dɔ chɛndɛ chɛ, an‑na an gbangban kɔn gbengbandenɛ ma.

Gboo Kadesia Ko A 6:14

Chɛɛ n tana, n mbe ee tɔmbɔɛ chɛ ɛnden bɛɛ a, fen dɔ mende ko a, mɔɔ dechee kɔn gbengbanden chɛ, Mansa Chisɔsi Chasi fa‑a min ma. An kɔn gbengbandenɛ chɛ, a‑a a ma gbɛ, n boo ee to dunya chɛ ma koe ɔ, dunya chɛ wɛɛ boo ee n ma koe ɔ.

Gboo Fiipai Ko A 3:10

N toen mu, n ni Chisɔsi sɔn, n ni gbasaya chɛ a tisɔn, Yataa‑a min ya, a‑a Chisɔsi kɔɔ sɔ, a ka saya ɔ. N toen mu to, n ni tɔɔya chɛ sima ɔ bia, a‑a min dɔ bia, n ni ma yɔ a wan, a 'a saya ta fɛ chia a.

Gboo Fiipai Ko A 3:7

Chɛɛ ni tɔnɔnɛ kan kɔ kan ni wan a ɔ, n‑na n kan kɔ sɔ an na, bea koe a Chisɔsi Chasi fɛ.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

GBOO FEAN BƆƐ TƐSADONIKA KO A 3:11

Nn‑na a a min fan, mbɛ wo bɔɛ dɔ n mbe wan wo tɛ ɔ, miin gboo ɔ faen mu. An mbe ee wai ɔ wai chɛ, fɔ dechee an da chɛ koe a an bɔ n ta koe n dɔ.

TAITƆSI 2:12

A sin mbe mmɔ kan tena, mmɔ ni mmɔ boo bɔ Yataa sɔn baiya ɔ, a basan dunya ma buɔdia a. A yɛ to, mmɔ ni mmɔ wandi bia chɛndɛ, mmɔ tandenɛ ni ma, mmɔ ni ma Yataa sɔn mɔɛ a dunya chɛ ɔ.

GBOO IBU MƆƐ N KO A 13:13

Chɛ an fɛ mu, mmɔ ta a tena kaina chɛ, min mbe chia kunɛ a. Mbɛ mmɔ‑a mmɔ kunɛ don mau ɔ, yɔ a na‑a miin dɔ bia.

1 PITA 4:1

Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

1 CHƆN 3:16

Chisɔsi Chasi‑a a fɔɛ be wan mmɔ ko a. Chɛ‑a a ma wan, mmɔ‑a a ɔ sɔn koadia mu fenɛ min nyɔn sima a. Chɛ an fɛ mu, mmɔ wɛɛ, a nyin fan mmɔ ni mmɔ wandi be mmɔ suun ma nyɔɛ n ko a.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”