MAKI 8:2 - Yataa 'a Dɔbɛnɛ Nama

² “Mɔɛ chɛ n ma chinchinden mu n ye. Tee sawa an nɛ ka gbɛ, an mbe nɛ mmɔ fɛ, daun fen mbe ee to nɔ.

MAKI 8:2 ပူးပေါင်းရင်းမြစ်များ

MATIU 14:14

Chisɔsi puin‑da a bɔ dɛndɛ chɛ ɔ, mbɛ a‑a mɔ fanka wa chɛ yen, miin‑na a sɔ ka a fɛ. Mbɛ an ma chinchinɛ‑a a bia, a‑a an gbɛɛ baun miin gbandien ni ka.

MATIU 20:34

Mbɛ an ma chinchinɛ‑a a bia. Mbɛ a tu‑a an ya n na. Mbɛ an‑na kaina yen a ya kɔɔɛ a. An‑na kaina yen kɛn, mbɛ an bea‑a Chisɔsi fɛ.

MATIU 9:36

Mɔ fanka ni wan a fɛ. A‑a mɔ fanka chɛ ma fɛn, mbɛ an ma chinchinɛ‑a a bia. Koe min na mu, an 'na yakɔɔtawa da a koo, a yɛ to, an ma a ɔ sɔn an mbe ma ka ma. An mbe wan yɔ sa nu, miin kun ma fɛn mɔ ee.

MAKI 1:41

Chinchincha‑a Chisɔsi gboo fa wan gban. Mbɛ a‑a a boo a ta, mbɛ a tu‑a kamin chɛ a. A ɔ, “A a di n ye, i ni bauncha ma sɔn. Baun gbɛ gbandi chɛ ɔ.”

MAKI 5:19

Chɛɛ Chisɔsi ma dɔn ni. Chɛɛ a‑a min fɔ, a ɔ, “Ta i waa a. I ni a ɔ yian i 'a mɔɛ n na, Mansa Chisɔsi‑a koe min chɛ i ye, a chinchin‑da buɛ min dɔ i ma.”

MAKI 6:32

Mbɛ an dechee si‑a dɛndɛ ɔ, an ta‑a pɔɔ, mɔ ɔ mɔ nii kaina min.

MAKI 6:34

Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.

MAKI 8:3

Ni n‑na a ma sunɛ an ni ta an kɔnkɔ tɔɛ a, an mbe ka‑a wan an chenɛ kɔɔ chia a, an ni bɔn a ma. Koe min na mu, an dɔ nu, an ka‑a kaina min nu, an dɔ yansan.”

MAKI 9:22

A sin, tima sɛsɛ ko a, nyina yama chɛ ɛ a a bea wan ta a. Dɔ n na, ɛ a a dɛ yii wɛɛ ɔ, a fa koe a. Chɛ an fɛ mu, ni e kun fan i ni nn deman, chinchin nn ma, i ni basan nn ma.”

DUKU 15:20

Mbɛ a‑a a a sɔ wan, mbɛ a‑a chia bia ta koe a a fa tan‑da. “Chɛɛ a to‑a pɔɔ wan, mbɛ a fa‑a a yen, mbɛ a ma chinchinɛ‑a a fa bia. Mbɛ a fa‑a bui sa a a, mbɛ a‑a a 'a denɛ tan. Mbɛ a bea‑a a kaa ɔ, mbɛ a‑a a kɔndɔn buɔdia wandi ɔ.

DUKU 7:13

Mansa Chisɔsi‑a sunkun chɛ yen kɛn, a ma chinchinɛ‑a a bia wan, mbɛ a‑a a fɔ a ye, a ɔ, “Sɛmbɛ di‑a.”

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.

GBOO IBU MƆƐ N KO A 5:2

An tɛ mɔ wa chɛ, ɛ kun fan, a ni a bɔɛ n bia faa chima a. Chɛ nu, miin ma ko sɔn, ni chɛ nu miin bia koe gbɛ, ɛ an bia wan. Koe min na mu, a wandi wɛɛ, a yama chia nu, an mbe wan sɛsɛ.