MAKI 8:11 - Yataa 'a Dɔbɛnɛ Nama

¹¹ Tima ɛnden gbakɔ, Chu mɔɛ nu, miin ni Fayisii n na, an na‑a wan Chisɔsi tena, an bun‑da a kaa ɔ gbaa‑a. An toen ni, an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

MAKI 8:11 ပူးပေါင်းရင်းမြစ်များ

MATIU 12:38

Mbɛ Chu n 'na sawa kan mɔɛ n dɔ nu, an bɛɛ Chu chɛ n na, miin ni Fayisii n na an tɛ ɔ, an‑na a fɔ Chisɔsi ye, an dɔ, “Ticha, nn toen mu i ni kamaya koe chenama wa dɔndɔ ma wɛ. Kamaya koe min mbe che a ɔ yian‑da nn na, mbɛ i 'a gbasaya kaen mu Yataa an tena.”

MATIU 19:3

Chu mɔɛ chɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a, yɔ a toen mu a a buɛ min dɔ.”

MATIU 21:23

Mbɛ Chisɔsi yɛ‑a to Yataa 'a kata chɛ ɔ. A yɛ‑a kɛn, a‑a a kuu sɔ wan mɔɛ n kan‑da, miin ni ka nɔ. Ɛ an kan tena chɛ wan, mbɛ Chu n tɛ mɔɛ nu Yataa a, an 'na mansa dɔ nu, an bɛ Chu gbakoo n na, an na‑a a tena, an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”

MATIU 22:15

Tima ɛnden gbakɔ, mbɛ Chu mɔɛ dɔ nu, miin ni Fayisii n na, an bɛn‑da wan, an kun puin koe a kaina dɔndɔ. An toen ni, an ni Chisɔsi ɔ chɛ tisa chɛ a a, mbɛ an‑na a bia.

MATIU 22:18

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, a ɔ, “Wo wan, nɛnɛn fea ti mu wo a. Fen mu wo toen mu wo ni n dɔ chɛ?

MATIU 22:23

A tee dɔndɔ gbe chɛ a, Chu mɔɛ chɛ dɔ nu, miin ni Sadusii n na, an na‑a wan Chisɔsi tena. Sadusii chɛ n nii ma dan ni a a, mbɛ mɔ gbu ɛ a kɔɔ sɔ wan a ka saya ɔ. Mbɛ an‑na a fɔ a ye,

MAKI 12:15

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”

MAKI 2:16

Mbɛ Fayisii mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”

MAKI 9:16

Mbɛ Chisɔsi ɔ a fɛ den chɛ n ma, a ɔ, “Wo e fen kɔɔsa bia ɔ, wo bɛ mɔɛ chɛ n na?”

DUKU 10:25

Mbɛ Chu n 'na sawa kan mɔ dɔndɔ yen ko, a toen ni a ni Chisɔsi ɔ siman. A‑a a kɔɔ sɔ, a sɔ‑a, a ɔ, “Ticha, n mbe fen ma, min mbe a ma, n ni kuɔ fɔ fɔɛ ma sɔn?”

DUKU 11:16

Mɔɛ dɔ n sin toen ni an ni Chisɔsi bia a chen kɔ, min‑na a ma, an‑na a ɔ tisa, an dɔ, a ni kamaya koe ma, min mbe a ɔ yian, mbɛ Yataa an‑na gbasaya chɛ be a ma tea tea a.

CHƆN 4:48

Mbɛ Chisɔsi ɔ a ma, a ɔ, “Wo wan, ni wo ma kamaya koe n dɔ yen ni ma‑a, wo dɔndɔ wɛɛ ee wo kai fa n na.”

CHƆN 6:30

Mbɛ an dɔ, “Mɔɔ ni i‑a kamaya koe ma, nn ni a ɔ yen, a ma koe a, nn ni dan i da a bai a. E fen ma‑a?

CHƆN 7:48

Nn mbe ee dan‑da a a, mbɛ mmɔ 'a gbakoo dɔndɔ wɛɛ ɛ wan nɔ, chɛ ma, ni Fayisii mɔ kan kɔ kan mbe wan nɔ, min kai faen mu a a.

CHƆN 8:6

An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHISƆSI 'A SƆ MƆƐ NU 5:9

Mbɛ Pita‑a a fɔ a wɛɛ ye, a ɔ, “Fen ko a mu wo fea i chɛɛ a, wo‑a wo yiima ɔ bɛn, Mansa Yataa Nyina ɔ siman koe a? Mɔɛ miin ta‑a i chɛɛ tɔn‑da, an yen ko sɔ ɔ chenɛ da a. An fan mbe ta‑a i wɛɛ tɔn‑da.”

GBOO SAA KƆYINDI KO A 10:9

Mmɔ ma Chasi yiima yan, a ɔ yen koe a, ni ko yama yuu mu mmɔ ɛ miin ma, mbɛ a‑a mmɔ tɔɔya. An dɔ n‑na a yiima yan ka wan, mbɛ ka n‑na an chin, an fa‑a.