MAKI 7:9 - Yataa 'a Dɔbɛnɛ Nama

⁹ A ɔ te to an ma, “Yiimatɛ chia ɛ wan wo boo ɔ, wo kunɛ bɔ koe a Yataa 'a sawa n kɔɔ, min mbe a ma, wo ni bea wo ta sawa n fɛ.

MAKI 7:9 ပူးပေါင်းရင်းမြစ်များ

MAKI 7:13

Chia chɛ a mu, wo e kanɛ min chɛ mɔɛ n na, ɛ a ma mɔɛ n ni Yataa bai to, mbɛ an bea wo ta fɛ. Ko dɔ mende n sin mbe wan to nɔ, yɔ chɛ, wo e miin ma tena.”

MAKI 7:3

Koe min na mu, Fayisii nu, ni Chu mɔɛ tɔɛ nu, an mbe bea sawa chɛ n fan fɛ, an woo mɔɛ n‑na miin to an boo ɔ. An mbe ee fen kɔ fen daun, ni an ma an boo a ko ni, a chia ma.

MAKI 7:5

Mbɛ Fayisii n bɛ sawa kan mɔɛ n na, an‑na Chisɔsi ɔ tisa, an dɔ, “Mmɔ woo mɔɛ n‑na kanɛ min to mmɔ boo ɔ, a nyin fan mɔ ɔ mɔ ko a. Chɛɛ i fɛ denɛ n‑na an fandi bɔ kan chɛ kɔɔ. Koe min na mu, an mbe ee an boo a ko a chia ma, yɔ kan chɛ‑a a fɔ buɛ min dɔ, mɔɛ e na daunɛ chɛ. I‑a chɛ yen ka ma?”

GBOO DOMI KO A 3:31

Chɛ ma a ɔ yian ni chia kan kɔ kan na, mbɛ ni mmɔ‑a mmɔ kai fa Chisɔsi a, mmɔ ɛ mmɔ boo bɔ wan gbɛ sawa chɛ kɔɔ. Chɛɛ mmɔ‑a min ma, mmɔ‑a sawa gbu an kɔ gbɛa ka gbɛ chɛndɛ chɛ.

GBOO FEAN BƆƐ KƆYINDI KO A 11:4

Koe min na mu, wo e wo boo a si wan mɔɛ kɔɔ, buɔdia ɔ, min mbe na wo tena, ɛ bai ɔ yian, a si Chisɔsi dɔ mende ma. Chisɔsi chɛ ma, nn‑na sakana bai chɛndɛ ɔ yian, a si min ma. Mbɛ wo‑a wo boo si nyina dɔ mende kɔɔ, min ma Yataa Nyina a. Wo‑a wo boo si to sakana bai dɔ mende kɔɔ, min kaen mu chɛ ma, wo na‑a wo boo si tee min kɔɔ. Wo‑a wo wandi be a ma, ko ɔ wuu ma a.

Gboo Kadesia Ko A 1:14

A gbu sin, Chu mɔɛ n 'na sawa chɛ ɔ, n tɔɛ na‑a bɔ wan, a ben n ya teen ma an sɛsɛ ma, n 'na mɔɛ n tɛ ɔ. N bemba n ta bemba n 'na manda chɛ ko a, mɔ nii sai bɔ n na ɛnden bɛɛ a.

Gboo Kadesia Ko A 2:21

N mbe ee dɔn, n ni Mansa Chisɔsi 'a koadia demanɛ kɔɔsa bia. Koe min na mu, ni Yataa 'a sawa nu, an fan mbe mɔɛ ma mɔ tandenɛ a Yataa tena, mbɛ Chasi fa‑a wan fuu.

GBOO FEAN BƆƐ TƐSADONIKA KO A 2:4

Ɛ Yataa ma bɔ‑a wan, a ni fen fen ma bɔ, an mbe miin fai an 'na Yataa a. Ɛ na‑a a wandi a sɛ‑a wan peche peche, a maenɛ ɛ mbɛ a kan nyɔ ee. Chɛ ɛ a ma‑a wan, a ni don Yataa 'a chenɛ a, a ni si nɔ. A ni a wandi yian nɔ mɔ ɔ mɔ a, mbɛ a wan gbu mu Yataa a.