MAKI 7:4 - Yataa 'a Dɔbɛnɛ Nama

⁴ A sin, an gbu ee daun fen daun, ni an ka‑a machiti ɔ, mɔɔ ni an‑na an fandi ko pɛn. Sawa n ni kɔkoo, an na‑a miin ma sɔn, an sin ni bea wan an fɛ. Sawa nu, yɔ mɔɛ ɛ a boo a ko buɛ min dɔ, a chia ma. A yɛ to, kɔpu nu, da nu, pani kumusu nu, a basan sofa n bɛɛ ta sawa n na).

MAKI 7:4 ပူးပေါင်းရင်းမြစ်များ

MATIU 23:25

“Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Wo e wan yɔ kɔpu chɛ nu, miin kɔɛ koenɛ ɛ ka, chɛɛ an bu ɔ nɔɔenɛ ɛ. Wo faa n dɔ ma gbɛ ni. Wo e mɔɛ n boo fenɛ bɔ wan an boo ɔ, bemaya ɔ, a sin to wo gbɔsɔen mu wo wandi an ko a dechee.

MATIU 23:26

Wo ko sɔn bai ya Fayisii nu, wo wo 'a kɔpu bu pɛn dɔ ko, an mbe a ma, a ni gbɛ fo.

MATIU 27:24

Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”

MAKI 7:8

Chisɔsi ɔ, “Wo ta sin, wo e Yataa 'a sawa to wan, mbɛ wo bea‑a wo ta kanɛ fɛ.”

CHƆN 2:6

Chu mɔɛ nu, an 'na Yataa fai ɔ, an 'na sawa n kɔkoo, a si an ko buɛ ma. Chɛ an‑na a fɔ, yii si fenɛ n ni wan nɔ si ɔ, an ni wɔdɔ, an sin gbɛɛ ni koo wan. An nyanden ni senɛ ɔ wan, a sin, a dɔndɔɛ, a ni yii ya wan, min mbe kadɔn bi fea tɛ bi sawa a.

CHƆN 3:25

A tima chɛ a, Chɔn fɛ denɛ dɔ nu, kɔɔsa don‑da wan an tɛ, an bɛ Chu mɔ dɔndɔ a. An kɔɔsa chɛ kunɛ ni mɔɛ ɛ a wandi ma ko buɛ min dɔ Yataa ko a.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

CHIMISI 4:8

Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.