MAKI 7:31 - Yataa 'a Dɔbɛnɛ Nama

³¹ Mbɛ Chisɔsi bɔ‑a Taya duu baima, mbɛ a ben‑da Sidon duu bu ɔ. Mbɛ a ta‑a chɛnyɛ dɔndɔ ɔ, an ni min chee, an dɔ, Duu Tan. A don‑da a ɔ, mbɛ a che‑a Kadidi yii wa ma.

MAKI 7:31 ပူးပေါင်းရင်းမြစ်များ

MATIU 11:21

“Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.

MATIU 4:18

Tee dɔndɔ a, Chisɔsi ni tachɛ tena wan, Kadidi yii wa kaa a. A na‑a kamin fea n tan fan, dɔndɔɛ tɔ ni Saimɔn, min tɔɛ dɔndɔɛ ni Pita, an fea a dɔɛ Anduu a. Nyɛ gbain mɔɛ ni an na, an sin ni nyɛ gbainɛ an na yaa a.

MATIU 4:25

Fanka fanka bea‑a wan a fɛ, a ka Kadidi chɛnyɛ ɔ, a ka Duu Tan dɔ chɛnyɛ ɔ, a ka Chuusaɛn duu ɔ, a basan Chudia chɛnyɛ tɔɛ gbɛɛ a. Mbɛ dɔ n ka‑a tanda chɛ ɔ, Chɔdan yii gbaa chia.

MAKI 5:20

Mbɛ kamin chɛ wɛɛ ta‑a wan, a ben‑da Duu Tan dɔ gbɛɛ, ɛ a ɔ yian‑da mɔɛ n na, Chisɔsi na‑a min chɛ a ye. A sin, an mɔɛ n gbɛɛ da ɔ gbaa‑a wan, an koe chɛ a min koe a.

MAKI 7:24

Mbɛ Chisɔsi ka‑a nɔ, an bɛ a fɛ denɛ n na, mbɛ an ta‑a tanda ɔ, Taya duu wa a tindanɛ. A don‑da chenɛ a, a sin nii ma to ni, mɔ ɔ mɔ ni a ɔ sɔn, mbɛ ɛ wan nɔ. Chɛɛ a nii ma che ni to‑a an nun chɛ ɔ.

MAKI 7:30

Musu chɛ yɛ‑a a waa a, mbɛ a‑a a 'a denɛ tan sa ɔ sofa ma, nyina yama gbu nii to a fɛ.