3 Koe min na mu, Fayisii nu, ni Chu mɔɛ tɔɛ nu, an mbe bea sawa chɛ n fan fɛ, an woo mɔɛ n‑na miin to an boo ɔ. An mbe ee fen kɔ fen daun, ni an ma an boo a ko ni, a chia ma.
Chia chɛ a mu, wo e kanɛ min chɛ mɔɛ n na, ɛ a ma mɔɛ n ni Yataa bai to, mbɛ an bea wo ta fɛ. Ko dɔ mende n sin mbe wan to nɔ, yɔ chɛ, wo e miin ma tena.”
Mbɛ Fayisii n bɛ sawa kan mɔɛ n na, an‑na Chisɔsi ɔ tisa, an dɔ, “Mmɔ woo mɔɛ n‑na kanɛ min to mmɔ boo ɔ, a nyin fan mɔ ɔ mɔ ko a. Chɛɛ i fɛ denɛ n‑na an fandi bɔ kan chɛ kɔɔ. Koe min na mu, an mbe ee an boo a ko a chia ma, yɔ kan chɛ‑a a fɔ buɛ min dɔ, mɔɛ e na daunɛ chɛ. I‑a chɛ yen ka ma?”
Chisɔsi nii ma a boo a ko ni a chia ma, yɔ Fayisii manda‑a a fɔ buɛ min dɔ, a e na to a kuu sɔ‑a daunɛ chɛ‑a. Chɛ na‑a ma wan tɛnɛmaya ko wa a Fayisii chɛ tena.
Chu mɔɛ nu, an 'na Yataa fai ɔ, an 'na sawa n kɔkoo, a si an ko buɛ ma. Chɛ an‑na a fɔ, yii si fenɛ n ni wan nɔ si ɔ, an ni wɔdɔ, an sin gbɛɛ ni koo wan. An nyanden ni senɛ ɔ wan, a sin, a dɔndɔɛ, a ni yii ya wan, min mbe kadɔn bi fea tɛ bi sawa a.
A gbu sin, Chu mɔɛ n 'na sawa chɛ ɔ, n tɔɛ na‑a bɔ wan, a ben n ya teen ma an sɛsɛ ma, n 'na mɔɛ n tɛ ɔ. N bemba n ta bemba n 'na manda chɛ ko a, mɔ nii sai bɔ n na ɛnden bɛɛ a.
Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.
Wo wandi gbu‑a a ɔ sɔn fan, mbɛ wo ni wan baa baa fɔɛ ɔ, wo bemba n ta bemba n ni min dɔ. Yataa ma kain gbɛ an ya ni, chɛ ma sanu, miin mbe yɔn, a ni an be wo kun ka koe a, a bɔ an fɔɛ chɛ ɔ. Wo‑a a ɔ sɔn fan, a na‑a fenɛ min be.