MAKI 7:27 - Yataa 'a Dɔbɛnɛ Nama

²⁷ Chɛɛ Chisɔsi ɔ, “Den mɛsɛ n ni daunɛ chɛ pɛn. A ma nyin, mɔɛ ni den mɛsɛ n 'na daun fenɛ bɔ an da a, a ni a be wuu n ma.”

MAKI 7:27 ပူးပေါင်းရင်းမြစ်များ

MATIU 10:5

A fɛ den tan kun ma fea chɛ nu, Chisɔsi‑a an sɔ wan ta koe a, a 'a wai chɛ koe a. A‑a an na si wan, a ɔ, “Wo ta Chu mɔɛ n tena, an fan maen mu yɔ sa nu, miin chen gba ɔ chɛenɛ ɛ an ti n ma, koe min na mu, an‑na an kan kɔ sɔ Yataa a. Wo ma ta kaina, Chu mɔɛ n mbe ee kaina. A yɛ to, wo ma ta Samayia duu n dɔ.

MATIU 7:6

“Wo ma fen chɛ n be wuu n ma, Yataa ta mu fenɛ miin na. Ni wo‑a chɛ ma, an mbe an ya a yɛ‑a wan wo ma, mbɛ an‑na wo ma chin chin. A sin to, wo ma wo 'a fen baa gbandenɛ a bea kɔɛnya n ya ɔ. Ni wo‑a chɛ ma, an mbe tɛn tɛn‑da wan an dɔ.”

MAKI 7:26

Chu mɔ nii ma an musu chɛ a. A sin, a suun‑da Siyia chɛnyɛ ɔ wan, Fonisia tanda ɔ. A‑a Chisɔsi disa wan, nyina yama chɛ gbain koe a 'a den chɛ fɛ.

MAKI 7:28

Chɛɛ musu chɛ ɔ, “Kai, wuu gbu wɛɛ ɛ ma si ɔ den mɛsɛ n baima, ni an da a pɛɛ bea‑a duu ma, an mbe a daun fan.”

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

GBOO DOMI KO A 15:8

A ni ma wo yii ma, mbɛ Chisɔsi Chasi na‑a na dunya chɛ ɔ, ma koe an na yɔnɛ a Chu mɔɛ n ko a. A na‑a chɛ ma, koe an dɔ yian koe an na, mbɛ Yataa tanden mu. An ni a ɔ yen, Yataa na‑a tooɔdia min chɛ an bemba n ta bemba n na, a ni bɔ a a.

Gboo Ɛfisɔsi Ko A 2:12

Chɛ ni ma wo yii ma, mbɛ a tima chɛ a, wo tɛ duen fan ni wo bɛ Chisɔsi Chasi a. A yɛ to, wo kaen fan ni mɔɛ tɔɛ n kaa a, a bɔ kuiɛ dɔndɔya dɔbɛn chɛ ɔ Isɔɛɛ mɔɛ n tɛ. A sin, wo ma‑a sonda n na, dɔbɛn nama chɛ kɔɔ, Yataa‑a Isɔɛɛ mɔɛ n too ɔ dia min na. Yataa ee wo boo ɔ, dunya chɛ ɔ, wo sin yii na ma tɛ ni fen kɔ fen ma.