MAKI 6:6 - Yataa 'a Dɔbɛnɛ Nama

⁶ A ɔ sɔn koe Chisɔsi boo ɔ, mbɛ a 'a mɔɛ n ma dan ni a a podon, tɛnɛ ko wa ni. Mbɛ Chisɔsi ta‑a duu n dɔ, nɔ a a tindanɛ. A ta‑a mɔɛ n kan koe a, a si Yataa ma.

MAKI 6:6 ပူးပေါင်းရင်းမြစ်များ

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 8:10

Chisɔsi tɛnɛ‑a wan a a, bai chɛ a min koe a. Mbɛ a‑a a fɔ fanka wa chɛ ma, min ni a sɔ tena a fɛ, a ɔ, “N ni a ma din wo tena, mbɛ kɛn gba, n ma mɔ bonda chɛ yen nin bɛ Isɔɛɛ mɔɛ n gbɛɛ tɛ ɔ, min danden mu ka n na.

MATIU 9:35

Chɛ gbakɔ, Chisɔsi ben ben‑da wan konko n dɔ, a basan duu wa n na, an chɛnyɛ chɛ gbɛɛ ɔ. Ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma. A yɛ to, a‑a mɔɛ n baun fan an 'na gbandi kan kɔ kan dɔ, miin ni an ma.

MAKI 1:39

Mbɛ an ben ben‑da Kadidi chɛnyɛ gbɛɛ ɔ, ɛ ta‑a Yataa 'a bai sa‑a Chu n 'na samun chɛ chenɛ n na, a basan nyina yama n gbainɛ a, mɔɛ n fɛ.

MAKI 10:1

Chisɔsi ka‑a kɛn Kapanaun duu ɔ, a ta‑a wan Chudia chɛnyɛ ɔ, a ta Chɔdan yii gbaa chia a. Mbɛ fanka a kan‑da to a ma. A sin, yɔ a ni a ma buɛ min dɔ, a na‑a an kan fan.

DUKU 13:22

Mbɛ Chisɔsi bun‑da to a 'a tachɛ ma, a ta Chuusaɛn duu ɔ. A ta‑a wan mɔɛ n kan‑da duu chɛ n gbɛɛ ɔ, a‑a miin dɔ tandin.

DUKU 4:31

Mbɛ Chisɔsi yii‑a Kapanaun duu ɔ, Kadidi chɛnyɛ ɔ, a‑a mɔɛ n kan kaina Chu n 'na suin tee ma.

DUKU 4:44

Chɛ ko a, a na‑a a a tun fan sakana bai chɛndɛ chɛ ɔ yianɛ a, Chu n 'na samun chɛ chen chɛ n gbɛɛ a, Chu chɛnyɛ gbɛɛ ɔ.

CHƆN 9:30

Mbɛ kamin chɛ ɔ, “N ma kamaya koe chɛ sima ɔ yen nin bɛ. Wo ma kamin chɛ ka tena sɔn, chɛɛ a yen ko, a‑a a ma, n‑na kaina yen.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.