MAKI 6:34 - Yataa 'a Dɔbɛnɛ Nama

³⁴ Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.

MAKI 6:34 ပူးပေါင်းရင်းမြစ်များ

MATIU 14:14

Chisɔsi puin‑da a bɔ dɛndɛ chɛ ɔ, mbɛ a‑a mɔ fanka wa chɛ yen, miin‑na a sɔ ka a fɛ. Mbɛ an ma chinchinɛ‑a a bia, a‑a an gbɛɛ baun miin gbandien ni ka.

MATIU 15:32

Mbɛ Chisɔsi‑a a fɛ denɛ n chee wan kaina dɔndɔ, a ɔ, “Mɔɛ chɛ n ma chinchinden mu n ye. Tee sawa an nɛ ka gbɛ, an mbe nɛ mmɔ fɛ, daun fen mbe ee nɔ. Ni n‑na a ma sunɛ an ni ta an kɔnkɔ tɔɛ a, an mbe ka‑a wan an chenɛ kɔɔ chia a, an ni bɔn a ma.”

MATIU 9:36

Mɔ fanka ni wan a fɛ. A‑a mɔ fanka chɛ ma fɛn, mbɛ an ma chinchinɛ‑a a bia. Koe min na mu, an 'na yakɔɔtawa da a koo, a yɛ to, an ma a ɔ sɔn an mbe ma ka ma. An mbe wan yɔ sa nu, miin kun ma fɛn mɔ ee.

MAKI 6:33

Chɛɛ chɛ gbɛɛ ɔ, mɔ sɛsɛ na‑a an ta koe kɔɔ sɔn fan, an sin na‑a a ɔ sɔn fan, mɔɛ min nyɔn sima ni ka ta‑a. Chɛ ko a, mɔɛ n ka‑a wan duu n gbɛɛ ɔ, an ta‑a an chenɛ ma, an ya ɔ. A sin, an‑na a fo wan Chisɔsi ya ɔ, an bɛ a fɛ denɛ n na.

MAKI 6:35

Tee bea ma, a fɛ denɛ n na‑a wan a tena, an dɔ, “Kan mɔ, tima taen mu gbɛ. A sin, nɛ chɛ ee duu baima.

MAKI 8:1

A tima chɛ a, mbɛ mɔ fanka dɔ gbɛɛ n na sɔn‑da Chisɔsi ma. Daun fen nii kɛn to nɔ, mɔɛ chɛ n mbe min daun, Chisɔsi na‑a a fɛ denɛ n chee wan, mbɛ a koɔ‑a an tena, a ɔ,

MAKI 8:2

“Mɔɛ chɛ n ma chinchinden mu n ye. Tee sawa an nɛ ka gbɛ, an mbe nɛ mmɔ fɛ, daun fen mbe ee to nɔ.

DUKU 9:11

Chɛɛ mɔɛ n‑na a ta koe kɔɔ sɔn, mbɛ mɔ fanka‑a a san, mbɛ an‑na an tan. Chisɔsi bu ɔ dia‑a wan an yen koe a. A koɔ‑a wan an tena a si Yataa 'a mansaya ma, mbɛ mɔɛ miin gbandien ni an tɛ ɔ, a‑a an baun.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.