MAKI 6:2 - Yataa 'a Dɔbɛnɛ Nama

² Chu n 'na suin tee ma, Chisɔsi‑a mɔɛ n kan fan an 'na samun chɛ chenɛ a. Mɔɛ n ni kɔkoo wan nɔ, a ni kanɛ chɛ tena tima min na. An sin, kɛn an ban‑da a da a kuiɛ a min‑da, a 'a kan chɛ buɛ‑a an da a fa wan. An dɔ, “A e na ka mende kan chɛ buɛ bonda chɛ a? Yiimatɛ chɛ sima, min been mu ka a ma, kɔndɔfii mu. Mɔ ma a ɔ sɔn, ɛ kamaya ko wa chɛ n ma buɛ min dɔ.”

MAKI 6:2 ပူးပေါင်းရင်းမြစ်များ

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 7:28

Mbɛ Chisɔsi ban‑da kɛn bai chɛ fɔ‑a, mɔɛ miin ni ka nɔ, an da ɔ gbaa‑a wan, a 'a kan chɛ buɛ ma.

MAKI 1:39

Mbɛ an ben ben‑da Kadidi chɛnyɛ gbɛɛ ɔ, ɛ ta‑a Yataa 'a bai sa‑a Chu n 'na samun chɛ chenɛ n na, a basan nyina yama n gbainɛ a, mɔɛ n fɛ.

MAKI 10:1

Chisɔsi ka‑a kɛn Kapanaun duu ɔ, a ta‑a wan Chudia chɛnyɛ ɔ, a ta Chɔdan yii gbaa chia a. Mbɛ fanka a kan‑da to a ma. A sin, yɔ a ni a ma buɛ min dɔ, a na‑a an kan fan.

DUKU 2:47

Mɔɛ miin gbɛɛ ni nɔ, an da ɔ gbaa‑a wan yiimatɛ a, min ni a 'a tisa yɛman buɛ ɔ.

DUKU 4:15

A ni ben fan kan chɛ‑a Chu n 'na samun chɛ chenɛ n na, a sin, mɔɛ n gbɛɛ ni a tando wan.

CHƆN 6:42

Chɛ‑a a ma wan, an dɔ, “Mɔna chɛ an nɛ, Chisɔsi, Chosɛfi 'a den chɛ. An ma chɛ a? Mmɔ‑a a fa sɔn fan, an fea a de a. Ɛ ma ka ma gbɛ, a ni a fɔ to mmɔ ye, mbɛ a ka‑a banda bu ɔ wan, a yii‑a nɛ?”

CHƆN 7:15

Chu mɔɛ n ya ɔ sɔɛ chɛ nu, an da ɔ gbaa‑a wan kaka. Mbɛ an dɔ, “Mɔna chɛ ɛ ma ka ma, a ni koe sɔn buɛ chɛ ɔ, a nii kɛn mɔ kɔɔ kandencha a?”