MAKI 6:15 - Yataa 'a Dɔbɛnɛ Nama

¹⁵ Dɔ n sin, an dɔ, “Idaicha an nɛ.” Dɔ n sin bɔ‑a nɔ, an dɔ, “Yataa 'a gbonka chɛ mɔɛ an nɛ, yɔ gbonka chɛ mɔɛ chɛ n dɔndɔ suun pɔɔ.”

MAKI 6:15 ပူးပေါင်းရင်းမြစ်များ

MATIU 16:14

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ mu Idaicha. Mbɛ dɔ n sin dɔ, Yataa 'a gbonka chɛ mɔɛ chɛ wɛɛ suun, min tɔ ni Chɛyimaya, a mu i a. Dɔ n mbe ta‑a a fɔ‑a, an dɔ, Yataa 'a gbonka chɛ mɔɛ dɔ gbɛɛ mu i a.”

MATIU 21:11

Mbɛ mɔ fanka chɛ nu na‑a, an dɔ, “Chisɔsi an nɛ, Yataa 'a gbonka chɛ mɔɛ. A ka‑a Kadidi chɛnyɛ ɔ wan, Nasaɛti duu ɔ.”

MAKI 6:16

Mansa Ɛdɔdi na‑a a ma tɔɛ a min kɛn, a ɔ, “Chɔn fan nɛ. N na‑a a ma wan, an‑na Chɔn kunɛ tɛ a a. Chɛɛ a‑a a kɔɔ sɔ to, a ka saya ɔ.”

MAKI 8:28

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ mu Idaicha. Dɔ n mbe ta‑a a fɔ‑a, an dɔ, Yataa 'a gbonka chɛ mɔɛ dɔ gbɛɛ mu i a.”

DUKU 1:17

Yataa Nyina ɛ gbasaya be‑a wan a ma, yɔ a‑a a be buɛ min dɔ Idaicha ma, min ni a 'a gbonka chɛ mɔɛ a suun. Ɛ na‑a wan Mansa Yataa ya ɔ, mɔ sɛsɛ n sɔ koe a chia ma. Ɛ a ma‑a wan, denɛ n ni na kuiɛ a kanɛ ɔ, an bɛ an fa n na. Ɛ a ma‑a wan to, tooɔgbɛa tɔɛ n bɛɛ ni bea tea fɛ, yɔ mɔ tandenɛ nu.”

DUKU 7:16

Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

DUKU 7:39

Fayisii chɛ, min‑na Chisɔsi chee ka a 'a chenɛ a daun chɛ koe a, a‑a koe chɛ ɔ yen kɛn, a‑a a fɔ wan a yiima ɔ, a ɔ, “Ni kamin chɛ ni Yataa 'a gbonka chɛ mɔɛ an na tea a, a ni a ɔ sɔn‑da wan musu min nyɔn sima ɛ ka tu tena a a. A ni a ɔ sɔn‑da wan, mbɛ mɔɛ an nɛ, min mbe ee sɔ ɔ Yataa 'a chia ma.”

DUKU 9:19

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ ni Idaicha. Dɔ n sin bɛɛ ɔ te, mbɛ i mu Yataa 'a gbonka chɛ mɔɛ dɔ mende an na, min fa‑a suun, mbɛ a yɛ‑a to fɔɛ ɔ.”

DUKU 9:8

Mɔɛ dɔ n sin dɔ, Yataa 'a gbonka chɛ mɔ dɔndɔ an nɛ suun, min tɔ ni Idaicha, an bɔ‑a ka to. Mɔɛ dɔ n yɛ‑a, an dɔ, Yataa 'a gbonka chɛ mɔɛ dɔ gbɛɛ suun, an yɛ‑a ka to fɔɛ ɔ.

CHƆN 1:21

Mbɛ an‑na a ɔ tisa to, an dɔ, “Nyɔn sin mu gbɛ i a?” An dɔ, “Idaicha an bɔ‑a ka to?” A ɔ, “N fan ma, Idaicha ma n na.” Mbɛ an dɔ te to, “Mosisi na‑a Yataa 'a gbonka chɛ mɔɛ dɔndɔ na koe fɔ wan. A mu i wan na?” A ɔ, “N fan ma.”

CHƆN 1:25

Mbɛ an‑na a ɔ tisa to, an dɔ, “Ni kunka mansa chɛ ma i a, Idaicha ma i a, Yataa 'a gbonka chɛ mɔɛ chɛ wɛɛ a ma i a, tisa chɛ yen ko. Fen ko a mu, e yii chɛ mɔɛ n kunɛ ɔ, Yataa chia a?”

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 7:40

Mɔɛ dɔ nu, an mɔ fanka chɛ n tɛ ɔ, an‑na a da a bai chɛ n na min kɛn, mbɛ an dɔ, “Tea ko a, kamin chɛ, Yataa 'a gbonka chɛ mɔɛ an nɛ, min na koe fɔen mu.”

CHƆN 9:17

Mbɛ a danka a, Fayisii chɛ n yɛ‑a to kamin chɛ tena, min ya a ka‑a ka. An dɔ, “A‑a i wan ya a ka. E che fen fɔ‑a, a si a ma?” Mbɛ kamin chɛ ɔ, “N ta yiima ɔ, Yataa 'a gbonka chɛ mɔɛ mu a a.”