MAKI 5:7 - Yataa 'a Dɔbɛnɛ Nama

⁷ Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

MAKI 5:7 ပူးပေါင်းရင်းမြစ်များ

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 14:61

Chɛɛ a na‑a a ma maun fan, a nii ma bai ɔ bai fɔ ni. Mbɛ tɛ mɔ wa chɛ‑a a ɔ tisa to, a ɔ, “I wan mu kunka mansa chɛ a, mɔɛ n mbe Yataa min tando, a 'a denɛ ɛ?”

MAKI 3:11

A sin, nyina yama ni ka miin gbɛɛ fɛ, ni an na‑a Chisɔsi yen dechee, an ni bea wan a chen kɔɔ, an mbe yee tɛ. An dɔ, “Yataa 'a denɛ mu i a!”

MAKI 5:6

A ni pɔɔ, a‑a Chisɔsi yen, mbɛ a‑a bui sa a a. A na‑a, mbɛ a‑a a kumbai gbangban, Chisɔsi chen kɔɔ.

MAKI 5:8

A‑a chɛ fɔ, koe min na mu, Chisɔsi na‑a a kuu sɔ wan gbɛ a fɔ‑a nyina yama chɛ ma, a ɔ, a ni ka mɔ kaima chɛ fɛ.

DUKU 1:32

Ɛ ma‑a wan mɔ chenama a, a sin, an mbe a chee‑a wan, an dɔ, Yataa Wa 'a Denɛ. Mansa Yataa ɛ a ma‑a wan mansa a, yɔ a bemba n ta bemba Defidi ni buɛ min dɔ.

DUKU 4:34

“Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

DUKU 8:28

Tima sɛsɛ ko a, nyina yama chɛ n ni a ma wan, kamin chɛ ni bui, a ni ta kaina mɔ ɔ mɔ ee kaina min. Mɔɛ n ni a chenɛ ɔ chii wɛɛ yɔɔɛ a, a basan a boo a, a ni yɔɔɛ chɛ ɔ tɛ tɛ wan, mbɛ nyina yama chɛ n‑na a ma, a ben‑da bui‑a. A‑a Chisɔsi yen kɛn dechee, a‑a yee tɛ wan gbankon, mbɛ a bea‑a a chen na. Mbɛ a‑a a fɔ a kuiɛ ma sɛenɛ a, a ɔ, “Chisɔsi, Yataa Wa 'a denɛ, i toen mu i ni fen ma n na? I dimu, i ma n mɔnɛ.” A‑a chɛ fɔ, a mu min na, Chisɔsi‑a a fɔ wan nyina yama chɛ n ye, a ɔ, an ni ka a fɛ.

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHISƆSI 'A SƆ MƆƐ NU 16:17

A bea‑a wan nn fɛ, nn bɛ Pɔɔ a, ɛ ta‑a yee tɛ‑a, a ɔ, “Kamin chɛ nu, Mansa Yataa Wa 'a wai chɛ mɔɛ n fan nɛ. An fan mbe a ɔ yian tena wo a, Yataa ɛ wo baun buɛ min dɔ.”

CHISƆSI 'A SƆ MƆƐ NU 19:13

Chu mɔɛ n ni wan nɔ, miin ni ben ben, nyina yama gbain‑da mɔɛ n fɛ. An bɛɛ ni tima ya wan, wai chɛ koe a Mansa Chisɔsi tɔɛ ɔ. An ni a fɔ wan, an dɔ te, “N mbe a fɔ tena i ye, mbɛ i ni ka a fɛ, Chisɔsi tɔɛ an dɔ, Pɔɔ ɛ bai sa ka a si min ma.”

CHISƆSI 'A SƆ MƆƐ NU 8:36

Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”

GBOO DOMI KO A 16:20

A sin dɔ ee yansan tena to, Yataa min mbe faachima be mmɔ ma, mbɛ a kun‑da Sitana ma wo ko a. Mansa Chisɔsi ni wo dua.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

GBOO IBU MƆƐ N KO A 7:1

Mɛchisɛdɛki chɛ, mansa ni an na, Saden duu ɔ. A sin to, tɛ mɔɛ ni a a, Yataa Wa tena. Tima dɔndɔ a, Ebeami ni wan ka tena chɛɛ ɔ. An na‑a mansa naaninɛ n 'na chɛɛ chɛ mɔɛ n kun tɛ an chɛɛ an dɔ. Mɛchisɛdɛki na‑a an tan fan. A sin, a wan Mɛchisɛdɛki na‑a Ebeami dua wan.

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

2 PITA 2:4

Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 12:12

Wo buɔdia bɔ, wo gbɛɛ, wo wɛn mbe banda bu ɔ. Chɛɛ wo wɛn mbe duu gboo ma, miin mbe kɔ yii ɔ, kasaa naen mu gba wo ko a. Nyina yama n 'na mansa, a fesan‑da nɛ, a a yii‑a nɔ wo kun ma, a faa gbandima wa ɛ, a‑a a ɔ sɔn fan, mbɛ tima ma dɔɔya‑a, a 'a wai chɛ koe a.”