MAKI 5:24 - Yataa 'a Dɔbɛnɛ Nama

²⁴ Mbɛ Chisɔsi bea‑a Chayɔsi fɛ, an bun‑da ta‑a. Mɔ sɛsɛ ta‑a wan an na saan‑da, an findi findienɛ ɛ a ma, a ka kaka kan kɔ kan ma.

MAKI 5:24 ပူးပေါင်းရင်းမြစ်များ

MAKI 3:20

Mbɛ Chisɔsi yɛ‑a chenɛ a, a yiaenɛ ni kaina min. Nɔ wɛɛ to, fanka fanka wa koa‑a wan an ma. Chɛ‑a a ma wan, an bɛ a fɛ denɛ n na, tima nii nɔ daun chɛ koe a.

MAKI 5:23

A‑a a disa, a sɔɛ gbɛɛ a, a ɔ, “N 'na den musuenɛ e na fa‑a. I dimu, na i ni i boo bun a ma, a ni baun, a fɔɛ ni yɛ to a ma.”

MAKI 5:25

Musu dɔndɔ ni wan fanka chɛ tɛ ɔ, musu n 'na kau ma gbandi ni min ma, san tan kun ma fea ko a.

MAKI 5:31

A fɛ denɛ n dɔ, “I‑a a ɔ yen tena wan, mɔɛ n mbe i 'a tindanɛ, an mbe tindi‑a i ma. I ni tisa chɛ to, mɔɛ tu koe a i a?”

DUKU 11:29

Mɔ sɛsɛ n na ni kan tena wan tun Chisɔsi ma. Mbɛ a ɔ, “Mɔɛ miin mbe n dɔ tisa‑a, n ni kamaya koe a dan, mɔ yauaen ba mu an mɔ bonda chɛ sima n na. Chɛɛ an mbe ee tɔmɔsi dɔndɔ wɛɛ ma sɔn‑da, mɔɔ dechee Yataa‑a tɔmɔsi min na ben a 'a gbonka chɛ mɔɛ Chona a.

DUKU 12:1

A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.

DUKU 19:3

A toen ni a ni mɔɛ chɛ gbu yen, an ni min chee Chisɔsi. Chɛɛ a ni wuu, a nii che Chisɔsi yen‑da, koe min na mu, fanka da a ni koo.

DUKU 7:6

Mbɛ Chisɔsi ta‑a an bɛ an na. An che‑a kɛn chenɛ baima gbɛdɛn, mbɛ soya mɔɛ chɛ‑a a dia nyɔɛ n sɔ Chisɔsi ya ɔ. A ɔ, an ni a fɔ a ye ka, “Fa, i ma i wandi tɔɔya. A mu min na, mɔ a tenden ma n na i don koe a n 'na chenɛ a.

DUKU 8:42

Koe min na mu, a 'a den musuen dɔndɔ gbe, min sanɛ ni gbɛ san tan kun ma fea, a ni gbɛ a ni ma tanka an na dechee. Chisɔsi‑a a kuu sɔ kɛn ta‑a dechee, mɔɛ n findi findi‑a wan a ma, a ka kaka kan kɔ kan ma.

DUKU 8:45

Mbɛ Chisɔsi ɔ, “Nyɔn tu‑a n na?” Mɔ ɔ mɔ‑a kɔɔsa bia chɛ wan tu koe a a a. Mbɛ Pita ɔ, “Kan mɔ, mɔɛ n mbe i a tindanɛ, an mbe tindi tindi‑a i ma, mbɛ i ni tisa chɛ to mɔɛ tu koe a i a?”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.