MAKI 5:22 - Yataa 'a Dɔbɛnɛ Nama

²² Mɔ dɔndɔ ni wan nɔ, min tɔ ni Chayɔsi. A ni mɔ chenama dɔndɔ an na, Chu n 'na samun chɛ chenɛ a. Mbɛ a na‑a Chisɔsi tan. A‑a Chisɔsi tan kɛn, mbɛ a bea‑a a chen na.

MAKI 5:22 ပူးပေါင်းရင်းမြစ်များ

MATIU 2:11

An don‑da kɛn chen chɛ a, mbɛ an‑na den chɛ tan, an fea a de Mɛi a. Mbɛ an‑na an kumbai gbangban, an‑na tando be a ma. An‑na samba n na bɔ, samba baa gbɛɛ ma nu, an na‑a miin na den toa chɛ ye. Sanu ni wan nɔ, ni fen kunyɛ a diama fea, an ni miin chee, an dɔ, fankinsɛnsi, ni dɔndɔɛ min tɔ ni maa.

MAKI 5:33

Chɛɛ musu chɛ ban‑da a ɔ sɔn‑da, a gboo ɔ ɛ gbɛ buɛ min dɔ. Chɛ ko a, a bɔ‑a ya a ma, ɛ samba‑a chiandia a. Mbɛ a‑a a kumbai gbangban Chisɔsi chen kɔɔ, mbɛ a‑a tea gbu gbɛɛ ɔ yian a a.

MAKI 5:38

Mbɛ an che‑a Chayɔsi 'a chenɛ a. An che‑a kɛn, Chisɔsi‑a a ɔ yen, sɔnkɔ sɔnkɔɛ ni buɛ min dɔ nɔ, a basan di chɛ a, ni yee tɛ.

DUKU 13:14

Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”

DUKU 5:8

Saimɔn Pita‑a chɛ an dɔ yen, mbɛ a bea‑a Chisɔsi chen na, a ɔ, “Fa, n to, i ni ta. Ko yama ma mɔɛ mu n na.”

DUKU 8:28

Tima sɛsɛ ko a, nyina yama chɛ n ni a ma wan, kamin chɛ ni bui, a ni ta kaina mɔ ɔ mɔ ee kaina min. Mɔɛ n ni a chenɛ ɔ chii wɛɛ yɔɔɛ a, a basan a boo a, a ni yɔɔɛ chɛ ɔ tɛ tɛ wan, mbɛ nyina yama chɛ n‑na a ma, a ben‑da bui‑a. A‑a Chisɔsi yen kɛn dechee, a‑a yee tɛ wan gbankon, mbɛ a bea‑a a chen na. Mbɛ a‑a a fɔ a kuiɛ ma sɛenɛ a, a ɔ, “Chisɔsi, Yataa Wa 'a denɛ, i toen mu i ni fen ma n na? I dimu, i ma n mɔnɛ.” A‑a chɛ fɔ, a mu min na, Chisɔsi‑a a fɔ wan nyina yama chɛ n ye, a ɔ, an ni ka a fɛ.

CHISƆSI 'A SƆ MƆƐ NU 13:15

Mbɛ mɔɛ ban‑da sawa gboo chɛ kan‑da, Mosisi na‑a min nyɛn, a basan bai n na, Yataa 'a gbonka chɛ mɔɛ na‑a min nyɛn. Mbɛ ya ɔ sɔɛ chɛ nu, Chu n 'na samun chɛ chen chɛ a, an‑na sakana a ta Pɔɔ n tena, an dɔ te, “Nn suun ma nyɔɛ nu, ni bai ɔ bai ɛ wan wo da a, a fɔ koe, min mbe mɔɛ n faa ma nande, wo e ka a fɔ‑a.”

CHISƆSI 'A SƆ MƆƐ NU 18:17

Mbɛ an gbɛɛ bea‑a Sositɛnesi ma gbasi a, min ni ya ɔ sɔɛ a, Chu n 'na samun chɛ chenɛ kun ma. An‑na a gbasi wan, kuti chenɛ gbu ya kɔɔ. Chɛɛ Kadio‑a a ka wan a too kɔ.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

KO Ɔ NUNDENƐ 22:8

N fan, Chɔn, n fan‑na koe chɛ n na min, mbɛ n‑na an dɔ yen to. N sin na‑a an na min kɛn maeka chɛ a, mbɛ n‑na an dɔ yen, mbɛ n‑na chɛ ma. N‑na n kumbai gbangban fan a chen kɔɔ, n ni a fai, a wɛn‑na fen chɛ n yian n na.