MAKI 5:2 - Yataa 'a Dɔbɛnɛ Nama

² An che‑a kɛn nɔ, mbɛ Chisɔsi bɔ‑a dɛndɛ ɔ. Ɛ bɔ‑a dechee a ɔ, mɔ kaima dɔndɔ na‑a a tan, min na‑a ka bɛnkuɛ ɔ. Nyina yama, an ni an kamin chɛ fɛ.

MAKI 5:2 ပူးပေါင်းရင်းမြစ်များ

MAKI 1:23

Yatina, kaminɛ ni wan nɔ, an 'na samun chɛ chen chɛ a, nyina yama ni min fɛ. Mbɛ a ya kɔɔɛ a, a‑a yee tɛ,

MAKI 1:26

Nyina yama chɛ‑a kamin chɛ bondan fan gbasaya a, a‑a yee wa tɛ, mbɛ a ka‑a a fɛ.

MAKI 3:30

Chisɔsi na‑a chɛ fɔ, a tɛ‑a bai chɛ an ma, mɔɛ dɔ n ni min fɔ tena. An dɔ, “Nyina yama, an mbe mɔna chɛ fɛ.”

MAKI 3:9

Fanka wa min na‑a ka, a na‑a a ma wan, Chisɔsi‑a a yii na chii a ma ta koe a, an ma na tindi tindi a ma. Mbɛ a ɔ, a fɛ denɛ n ni dɛndɛ ɔ bɛn, a ko a.

MAKI 4:1

Mbɛ tima dɔndɔ a, Chisɔsi‑a a kuu sɔ to mɔɛ n kan‑da, Kadidi yii wa fɛ. Mɔɛ miin na sɔn‑da a ma, an kɔ ni koo. Chɛ‑a a ma wan, a sɛ‑a dɛndɛ ɔ, mbɛ a si‑a nɔ. Dɛndɛ chɛ ni si ɔ yii an na, mɔ fanka chɛ n gbɛɛ sin to‑a tindi ma.

MAKI 4:36

Mbɛ Chisɔsi fɛ denɛ chɛ n‑na mɔ fanka chɛ n to, mbɛ an sɛ‑a dɛndɛ chɛ ɔ, ɛ ka si ɔ min dɔ. Mbɛ an bun‑da dɛndɛ gbu wii‑a, an mbe ta‑a Chisɔsi a. A sin, dɛndɛ dɔ mende n bea‑a wan Chisɔsi ta fɛ.

MAKI 5:21

Mbɛ Chisɔsi yɛ‑a yii wa chɛ kaka dɔndɔɛ, a ka‑a kaina, an bɛ a fɛ denɛ n na. Mɔ fanka wa an na sɔn‑da nɔ a ma, yii chɛ da a.

MAKI 5:3

A sin, a ni chi bɛnkuɛ ɔ wan. Mɔ ɔ mɔ nii kun, a ni a sa yɔɔɛ a.

MAKI 5:8

A‑a chɛ fɔ, koe min na mu, Chisɔsi na‑a a kuu sɔ wan gbɛ a fɔ‑a nyina yama chɛ ma, a ɔ, a ni ka mɔ kaima chɛ fɛ.

MAKI 7:25

Mbɛ musu dɔndɔ, nyina yama ni min 'na den musuenɛ fɛ, a‑a Chisɔsi ma tɔɛ a min. Mbɛ a ya kɔɔɛ a, a na‑a a tena, mbɛ a bea‑a a chen kɔɔ.

DUKU 8:27

An che‑a kɛn nɔ, Chisɔsi ɛ bɔ‑a dechee dɛndɛ chɛ ɔ a sɛ tindi ma, kamin dɔndɔ min bɔ‑a Kɛyasa duu ɔ, a na‑a wan, a‑a Chisɔsi tan. Kamin chɛ nyina yama n fan ni a fɛ. A na‑a tima ɔ yansama ya wan a ma senɛ ɛ, a sin nii ta chenɛ a. A ni chi fanɛ a wan bɛnkuɛ ɔ.

DUKU 9:42

Den chɛ to‑a na an na, mbɛ nyina yama chɛ‑a a a bea duu ma, mbɛ a bun‑da a ma chɛɛ chɛ‑a. Chisɔsi‑a a fɔ nyina yama chɛ ma, a ɔ, a ni ka den chɛ fɛ. Nyina yama chɛ ka‑a wan a fɛ. Mbɛ Chisɔsi‑a a a yɛ a fa ma.