MAKI 5:15 - Yataa 'a Dɔbɛnɛ Nama

¹⁵ A sin, an che‑a kɛn, nyina yama chɛ n ni ka kaminɛ min fɛ, an‑na a tan fan, ɛ si ɔ nɔ. A ma chiienɛ ɛ, a sin, a yiima tɛenɛ ɛ. Chɛ‑a a ma wan, an gbɛɛ chian‑da.

MAKI 5:15 ပူးပေါင်းရင်းမြစ်များ

MATIU 12:29

Mbɛ Chisɔsi‑a Sitana ya yɔ kamin gbasayaen ba, a ɔ, “A yɛ to, ni mɔ ɔ mɔ toen mu a ni don kamin gbasayaen ba 'a chenɛ a punka koe a, mɔɔ ni a‑a a chii pɛn, a e na to a 'a chenɛ a punka‑a.”

MATIU 26:53

A ni ma wo yii ma, mbɛ n mbe kun fan n ni Fa Yataa ɔ tisa, basan koe a n ma. A sin, a ɛ maeka wu sɛsɛ a na‑a wan, an ni butuinɛ chɛ n ko a.

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MATIU 9:33

Chisɔsi‑a nyina yama chɛ gbain kɛn dechee kamin chɛ fɛ, mbɛ a ya kɔɔɛ a, a bun‑da koɔ‑a. Mɔɛ chɛ n gbɛɛ, miin ni nɔ, an da ɔ gbaa‑a wan. Mbɛ an dɔ, “Kɛn gba, nn ma ko bonda chɛ sima ɔ yen nin bɛ Isɔɛɛ mɔɛ n 'na chɛnyɛ gbɛɛ ɔ.”

MAKI 5:14

Mbɛ mɔɛ chɛ nu, miin ni ka kɔɛnya chɛ n kun ma fɛn tena, an ben‑da bui‑a. An ta‑a duu ɔ, mbɛ an‑na a gbɛɛ ɔ yian, min chɛ‑a a ɔ. Mbɛ an‑na a ɔ yian ben‑da an tanda chɛ ɔ. Mɔ sɛsɛ n na‑a wan, min mbe a ma, an ni a ɔ yen min ma‑a.

MAKI 5:16

Mɔɛ miin ni ka nɔ ko ɔ ko ma‑a, an fan‑na a gbɛɛ ɔ yian gbɛ an bɔ n na. An‑na a ɔ yian, Chisɔsi na‑a nyina yama chɛ n gbain buɛ min dɔ kamin chɛ fɛ, a basan kɔɛnya chɛ n bakoe a.

MAKI 5:18

Chisɔsi ɛ kɛn dɛ‑a dɛndɛ chɛ ɔ, mbɛ a na‑a nyina yama gbain ka kaminɛ min fɛ, a‑a disa chɛ wan, a ɔ, Chisɔsi ni a ma an bɛ ni ta.

MAKI 5:4

Tima sɛsɛ ko a, an na‑a a sa wan yɔɔɛ a. Chɛɛ a ni yɔɔɛ chɛ ɔ tɛ wan, a chenɛ ma, a basan a boo a. A ɔ ni gbɛɛ gbeden, mɔ ɔ mɔ nii kun a ma.

MAKI 5:9

Mbɛ Chisɔsi ɔ, “I tɔɛ?” Mbɛ a ɔ, “N tɔ mu Fanka Wa. Koe min na mu, nn kɔkoo kaka.”

DUKU 10:39

A dɔ musuma ni wan nɔ, min tɔ ni Mɛi. Mɛi na‑a si wan Mansa Chisɔsi baima gbɛdɛn, ɛ a a min‑da, Chisɔsi ni bai miin fɔ tena.

DUKU 8:27

An che‑a kɛn nɔ, Chisɔsi ɛ bɔ‑a dechee dɛndɛ chɛ ɔ a sɛ tindi ma, kamin dɔndɔ min bɔ‑a Kɛyasa duu ɔ, a na‑a wan, a‑a Chisɔsi tan. Kamin chɛ nyina yama n fan ni a fɛ. A na‑a tima ɔ yansama ya wan a ma senɛ ɛ, a sin nii ta chenɛ a. A ni chi fanɛ a wan bɛnkuɛ ɔ.

Gboo Kɔdɔsai Ko A 1:13

A‑a mmɔ bɔ wan ko yama pimbi 'a gbasaya boo ɔ, mbɛ a‑a mmɔ don a faa ma denɛ 'a mansaya kɔɔ yɛdɛn.

2 TIMOTI 1:7

Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.