MAKI 5:13 - Yataa 'a Dɔbɛnɛ Nama

¹³ A dɔn‑da wan an ta koe ma. Mbɛ nyina yama chɛ n bɔ‑a kamin chɛ fɛ, an ta‑a, an bea‑a kɔɛnya chɛ n fɛ. Kɔɛnya chɛ n gbɛɛ, wu fea da faenɛ ɛ gban, an yii‑a bui chɛ‑a kɔnkɔɛ kaa fɛ, an dɛ‑a yii wa chɛ ɔ, an to‑a a ɔ.

MAKI 5:13 ပူးပေါင်းရင်းမြစ်များ

MATIU 7:6

“Wo ma fen chɛ n be wuu n ma, Yataa ta mu fenɛ miin na. Ni wo‑a chɛ ma, an mbe an ya a yɛ‑a wan wo ma, mbɛ an‑na wo ma chin chin. A sin to, wo ma wo 'a fen baa gbandenɛ a bea kɔɛnya n ya ɔ. Ni wo‑a chɛ ma, an mbe tɛn tɛn‑da wan an dɔ.”

MATIU 8:32

Mbɛ a ɔ, “Wo ta.” Mbɛ an ka‑a kamin chɛ n fɛ, mbɛ an ta‑a an bea‑a kɔɛnya chɛ n fɛ. A yen ko, kɔɛnya man chɛ n gbɛɛ ben‑da wan bui‑a, a ka kɔnkɔɛ chɛ kaa fɛ. An yii‑a wan an dɛ‑a yii ɔ, mbɛ an to‑a nɔ.

MAKI 5:12

Mbɛ nyina yama chɛ n‑na Chisɔsi disa, an dɔ, “Nn na ta kɔɛnya chɛ n tena, nn ni bea an fɛ.”

MAKI 5:14

Mbɛ mɔɛ chɛ nu, miin ni ka kɔɛnya chɛ n kun ma fɛn tena, an ben‑da bui‑a. An ta‑a duu ɔ, mbɛ an‑na a gbɛɛ ɔ yian, min chɛ‑a a ɔ. Mbɛ an‑na a ɔ yian ben‑da an tanda chɛ ɔ. Mɔ sɛsɛ n na‑a wan, min mbe a ma, an ni a ɔ yen min ma‑a.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

KO Ɔ NUNDENƐ 20:7

A sin, ni san wu dɔndɔɛ (1,000) chɛ ban‑da, Sitana ɛ fuin‑da wan, a bɔ bia ɔ.

KO Ɔ NUNDENƐ 9:11

Mansa ni wan an kun ma, min ni maeka chɛ a, min ni son chɛ kun ma, sonɛ min danka ee ka. An mbe an maeka chɛ chee Ibu koɛ ɔ, an dɔ, Abadon. Kiisi mɔɛ n sin, an dɔ, Apɔdiyon, yɔ mɔɛ ɛ a fɔ, a ɔ, Fen yɔn fenɛ.