MAKI 4:31 - Yataa 'a Dɔbɛnɛ Nama

³¹ Ɛ ka wan yɔ chin fen kuu dɔma ɛndenɛ, kamin dɔndɔ na‑a min ya, mbɛ a‑a a chin a 'a yadi ɔ. Chin fen kuu chɛ ni dɔɔ chin fen kuu gbɛɛ ma dunya ɔ.

MAKI 4:31 ပူးပေါင်းရင်းမြစ်များ

MAKI 4:30

Mbɛ Chisɔsi ɔ, “N mbe tai dɔ mende an tɛ tena to, n mbe kun n ni Yataa 'a mansaya siman min ma. Ka wɛ n mbe a bɔ nyɔɛ yian wo a.

MAKI 4:32

Chɛɛ chɛ gbɛɛ ɔ, a fɛn‑da kɛn, a ma‑a wan chin fen chenama wa a, a ben chin fenɛ tɔɛ gbɛɛ ma. A pimbi bun‑da wan chin fenɛ tɔɛ n kun ma yadi chɛ ɔ. Konde n na‑a wan, an‑na an nyanɛ n sa a bonɛ n dɔ.”

DUKU 17:6

Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.

CHISƆSI 'A SƆ MƆƐ NU 19:20

Chia chɛ a ni, sakana bai chɛ, a si Mansa Chisɔsi ma, a fasan‑da a ɔ gbɛɛ. A sin, an sakana chɛ ni koe miin ma mɔɛ n 'na fɔɛ ɔ, a nii ma dɔɔ.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 4:4

Chɛɛ mɔɛ miin sɛsɛ na‑a Pita 'a sakana bai chɛ a min, a si Chisɔsi ma, an dan‑da wan a a. A sin, mɔ kaima miin gbɛɛ‑a an kai fa gbɛ Chisɔsi a, an danɛ ta‑a wan gbɛ wu duu ɔ.

CHISƆSI 'A SƆ MƆƐ NU 5:14

Chɛ gbɛɛ ɔ, mɔ kaima sɛsɛ, an bɛ musu sɛsɛ n na, an‑na an kai fa wan Mansa Chisɔsi a, mbɛ an sa‑a mɔɛ kɔma n kaa a.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”