MAKI 4:26 - Yataa 'a Dɔbɛnɛ Nama

²⁶ Mbɛ Chisɔsi‑a a fɔ to, a ɔ, “Tai chɛ, ɛ a ɔ yian tena wan Yataa 'a mansaya ɛ buɛ min dɔ. A maen fan mu, yɔ kaminɛ min na‑a chin fen kuu fasi a 'a sɛnɛ ɔ.

MAKI 4:26 ပူးပေါင်းရင်းမြစ်များ

MATIU 13:11

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

MATIU 13:24

Mbɛ Chisɔsi‑a tai dɔ mende tɛ to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Kamin dɔndɔ na‑a sɛnɛ sa wan, mbɛ a‑a chin fen suu chɛndɛ fɛn a ma.

MATIU 13:3

Mbɛ a bun‑da tai sɛsɛ tɛ‑a an tena. A ɔ, “Tee dɔndɔ a, kamin dɔndɔ ta‑a wan a 'a sɛnɛ ɔ chin fen fasi tena.

MATIU 13:31

Chisɔsi‑a tai dɔ mende tɛ wan to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Kamin dɔndɔ na‑a chin fen kuu dɔɔma ɛndenɛ ya wan, mbɛ a‑a a chin a 'a yadi ɔ.

MATIU 13:33

Chisɔsi‑a tai chɛ wɛɛ tɛ wan to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Musu dɔndɔ‑a yisin denɛ ya wan, mbɛ a‑a a chɛ feawa funku wa ɔ, konko pani ɔ biidi nyan koe a. Yisin chɛ kun‑da wan feawa funku chɛ gbɛɛ ɔ, mbɛ feawa chɛ sɛ‑a.”

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 4:17

A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MAKI 4:25

Mɔ ɔ mɔ min mbe bai chɛ n dɔ gbɛ‑a chɛndɛ, a ta yiimatɛ kun ma ɛ sa wan. Chɛɛ mɔ ɔ mɔ min mbe ee bai chɛ n dɔ gbɛ‑a, min bɛɛ ɛ a yii ma, ɛ bɔ‑a wan a yii ma.”

MAKI 4:27

Ɛ chinɔ wan yɛɛ ma, mbɛ a kunɛ‑a sau ma, ɛ ben ben. A sin, ɛ ma chɛ ma‑a su ɔ tee a, chin fen chɛ sin mbe ta‑a fɛn‑da, ɛ ta‑a koa‑a. Chɛ gbɛɛ ɔ, a ee a ma a ni a ɔ sɔn, a gbu ɛ ma buɛ min dɔ.

DUKU 13:18

Mbɛ Chisɔsi ɔ, “Ka wɛ n mbe a ɔ yian wo a, Yataa 'a mansaya ɛ buɛ min dɔ. Ka wɛ n mbe a bɔ nyɔɛ yian wo a.

DUKU 8:11

Chisɔsi ɔ, “Tai chɛ tɔmɔsi an nɛ. Chin fen kuu chɛ mu Yataa 'a bai an na.

DUKU 8:5

A ɔ, “Tee dɔndɔ a, kamin dɔndɔ ta‑a wan a 'a sɛnɛ ɔ, chin fen fasi tena. Ɛ a fasi chɛ an na, mbɛ dɔ bea‑a chia kuu a. Mbɛ dɔ n bɛɛ bea‑a faa gban duu gboo ma, dɔ n yɛ‑a an bea‑a wai duu gboo ma, mbɛ dɔ n sin bea‑a duu gboo chɛndɛ ma. Chin fen kuu miin bea‑a ka chia kuu a, mɔɛ n tɛn tɛn‑da wan a ɔ, mbɛ konde n bɛɛ‑a an sogban sogban fan. Miin sin bea‑a ka faa gban duu gboo chɛ ma, an fɛn‑da wan, chɛɛ an fa‑a wan. Koe min na mu, yii kan kɔ kan nii an duu gboo chɛ ɔ. Miin sin bea‑a ka wai duu gboo chɛ ma, an bɛɛ fɛn‑da wan, a basan wai chɛ a dɔndɔ a, chɛɛ wai chɛ n koa‑a wan a ben chin fen chɛ n ma. Chɛ‑a chin fen fɛn chɛ n na kɔnya wan, mbɛ an gbaa‑a. Miin bea‑a ka duu gboo chɛndɛ chɛ ma, an fɛn‑da wan, a danka a, an gbɔ‑a wan wɔsɔkɔɔ. An yii‑a wan gbaa chɛmɛ dɔndɔ ko a.” Chisɔsi ɔ te gbɛ, “Wo wɛn too ɛ koe a min, wo chɛ a min.”

CHƆN 12:24

Ka n mbe chɛ ma din wo tena, mbɛ chin fen kuu, a mu chin fen kuu dɔndɔɛ an na, aan a ni chin, mbɛ a tui‑a. Ni a tui‑a wan, min mbe bɔ gbɛ, mbɛ a‑a gbɔɛ be kaka.

CHIMISI 3:18

Mɔɛ miin tanden mu Yataa tena, an mbe a ma mɔ dɔ mende n mbe ma kuiɛ dɔndɔya ɔ, a nyin an ko a. Koe min na mu, ni an‑na koe n ma faachimaya ɔ, ɛ ma ko chɛndɛ n fan na.