MAKI 4:15 - Yataa 'a Dɔbɛnɛ Nama

¹⁵ Mɔɛ dɔ n mbe wan yɔ chia kuu 'a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, mbɛ Sitana ɛ na wan a ya kɔɔɛ a, mbɛ a‑a bai chɛ bɔ an yiima ɔ, a ta‑a a a.

MAKI 4:15 ပူးပေါင်းရင်းမြစ်များ

MATIU 13:19

Mɔɛ dɔ n mbe wan yɔ chia kuu a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, a si a 'a mansaya ma, an mbe ee a ɔ gbɛ chɛndɛ chɛ. Mbɛ an nyina yama chɛ, Sitana, a na‑a a ya kɔɔɛ a, a‑a bai chɛ bɔ an yiima ɔ.

MATIU 22:5

Chɛɛ an mɔɛ chɛ n ma an too ma sɔ ni, kai chɛ 'a sakana chɛ ma. Mɔɛ dɔndɔɛ ta‑a wan a 'a sɛnɛ ɔ, dɔndɔɛ sin ta‑a fee fen ma tachɛ tena. An dɔ n ta‑a an ma gbɔsɔɛ n dɔ.

MATIU 4:10

Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

MAKI 4:14

Chin fen fasi mɔɛ chɛ, a na‑a Yataa 'a sakana bai an fasi ka.

MAKI 4:16

Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛ a min, an mbe an boo si wan a kɔɔ, buɔdia wandi gbu a, a ya kɔɔɛ a.

MAKI 4:4

Ɛ a fasi chɛ an na, mbɛ dɔ bea‑a chia kuu a. Mbɛ dɔ n bɛɛ bea‑a faa gban duu gboo ma, dɔ n yɛ‑a an bea‑a wai duu gboo ma, mbɛ dɔ n sin bea‑a duu gboo chɛndɛ ma. Chin fen kuu miin bea‑a ka chia kuu a, konde n‑na an sogban sogban fan. Miin sin bea‑a ka faa gban duu gboo chɛ ma, an tana, an fɛn‑da wan bui chɛ wandi a, a mu min na, fii sima ni wan nɔ. Chɛɛ tee winɛ ma kun ni an dɔ, an gbaa‑a wan, koe min na mu, an suu nii ma yii ni chɛndɛ duu gboo ɔ. Miin sin bea‑a ka wai duu gboo chɛ ma, an bɛɛ fɛn‑da wan, a basan wai chɛ a dɔndɔ a, chɛɛ wai chɛ n koa‑a wan a ben chin fen chɛ n ma. Chɛ‑a chin fen fɛn chɛ n na kɔnya wan, mbɛ an gbaa‑a. Miin bea‑a ka duu gboo chɛndɛ chɛ ma, a danka a, an gbɔ‑a wan wɔsɔkɔɔ. Dɔ n gbaa ni wan an kansanɛ ma bi sawa, bi wɔdɔ, ni chɛmɛ sɛsɛ.”

DUKU 8:12

Mɔɛ dɔ n mbe wan yɔ chia a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, Sitana ɛ na wan a ya kɔɔɛ a, mbɛ a‑a bai chɛ bɔ an yiima ɔ, min mbe a ma, an ma na dan sakana bai chɛndɛ chɛ a, mbɛ an‑na bauncha ma sɔn.

CHISƆSI 'A SƆ MƆƐ NU 17:32

An‑na a a min kɛn gbɛ, Pɔɔ‑a bai sa, a si mɔ gbu kɔɔ sɔ koe ma, a ka saya ɔ, dɔ n‑na a ma yɛn fan. Chɛɛ dɔ n sin, an dɔ, “Nn mbe to‑a wan to, nn ni bai a min, a si koe chɛ ma.”

CHISƆSI 'A SƆ MƆƐ NU 5:3

Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

GBOO FEAN BƆƐ TƐSADONIKA KO A 2:9

Mɔɛ chɛ, min mbe ee sawa kɔɔ, Sitana 'a gbasaya kan kɔ kan mbe ma‑a wan a boo ɔ. Ɛ na‑a kamaya ko wa sɛsɛ ma‑a wan, fania nu.

GBOO IBU MƆƐ N KO A 12:16

Mɔ ɔ mɔ ma ko tɛ ma a ma gbɔsɔɛ a, wo tɛ ɔ. Mɔ ɔ mɔ ma ma wo tɛ ɔ, Yataa wakoe ee min faa ɔ, yɔ Isɔ. Den saa ni a a, chɛɛ a tana, daun fen dɔndɔ gbe ko a, a‑a an tea ma tachɛ wan.

GBOO IBU MƆƐ N KO A 2:1

Chɛ an fɛ mu, mmɔ‑a tea bai chɛ min na min, mmɔ a bia mmɔ boo fea a, mmɔ ma na ka an chia chɛ ma.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:7

A sin, ni san wu dɔndɔɛ (1,000) chɛ ban‑da, Sitana ɛ fuin‑da wan, a bɔ bia ɔ.