MAKI 4:11 - Yataa 'a Dɔbɛnɛ Nama

¹¹ Mbɛ a ɔ an ma, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, mmɔ bɛ ma miin na, n mbe koɔ an tena tai an dɔ.

MAKI 4:11 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 13:16

Mbɛ Chisɔsi ɔ a fɛ denɛ n ma, a ɔ, “Chɛɛ wo tana wo duaen mu, a mu min na, wo e koe ɔ yen, mbɛ a yɛ to, wo e a a min.

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MAKI 3:23

Mbɛ Chisɔsi‑a an chee, a koɔ‑a an tena, tai ɔ. A ɔ, “Sitana ee a wandi gbain, mɔɛ n fɛ.

MAKI 4:10

Chisɔsi dɔndɔ gbe to‑a kɛn, mbɛ mɔɛ miin ni ka a 'a tindanɛ, an bɛ a fɛ denɛ n na, an‑na a ɔ tisa. An dɔ, a ni a ɔ yian an na, tai chɛ n fasai buɛ.

MAKI 4:2

A‑a an kan fan ko sɛsɛ ma, tai n dɔ. A‑a a fɔ wan an ye, a ɔ,

DUKU 8:10

Mbɛ a ɔ, “Mɔɛ gbɛɛ nii ma min dɔ sɔn tee, a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, n mbe koɔ an tena tai an dɔ. Min mbe a ma, an ya a kaenɛ ɛ ma‑a wan, an ni kaina fɛn, chɛɛ an mbe ee ko ɔ ko ɔ yen‑da. Mbɛ an mbe an too ma sɔ‑a wan, chɛɛ an mbe ee ko ɔ ko ɔ gbɛ‑a.”

GBOO SAA KƆYINDI KO A 4:7

Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Ɛfisɔsi Ko A 1:9

a‑a a faa ma koe ɔ yian fan mmɔ a, min dɔ nunden ni tee mmɔ ma. A toen ni chɛ an ni ma, a sin, a‑a Chasi a na, an ma koe a.

Gboo Kɔdɔsai Ko A 4:5

Mɔɛ chɛ nu, miin nii ma an kai fa ni Chisɔsi a, ni wo‑a chia ɔ chia ma sɔn, Chasi wakoe ɔ yian koe a an na, wo wo sɔɛ gbɛɛ chɛ a ɔ.

Gboo Saa Tɛsadonika Ko A 4:12

Ni wo‑a chɛ ma, basɔmaya ɛ ma‑a wan wo ma chɛ n tena, miin mu Yataa sɔn bai n na. A sin, wo ee na‑a mɔ ɔ mɔ ya ɔ fɛn‑da fen fen ko a, wo e to‑a min na.

1 TIMOTI 3:7

A sɔnɛ ma ni kawa mɔɛ chɛ n ye, miin mbe baa kɔ, min mbe a ma, an mbe ee tɔ yama si‑a a kun ma, mbɛ a chɛɛ‑a Sitana 'a gbai a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.