MAKI 3:6 - Yataa 'a Dɔbɛnɛ Nama

⁶ Mbɛ Fayisii chɛ n bɔ‑a baa ma. Mbɛ an bɛ mɔɛ chɛ n na, miin ni Mansa Ɛdɔdi 'a mɔɛ n na, an bun‑da an kun puin‑da kaina dɔndɔɛ, an mbe ma buɛ min dɔ, an ni Chisɔsi fa.

MAKI 3:6 ပူးပေါင်းရင်းမြစ်များ

MATIU 12:14

Mbɛ Fayisii chɛ nu, an bɔ‑a. Mbɛ an ta‑a an kun puin tena Chisɔsi ma, an mbe ma buɛ min dɔ an ni a fa.

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MAKI 12:13

Mbɛ an‑na Fayisii dɔ n sɔ, an bɛ Mansa Ɛdɔdi fɛ mɔɛ dɔ n na, Chisɔsi tena. An toen ni, an ni a ɔ chɛ tisa chɛ a a, mbɛ an‑na a bia a chen kɔ, a da a bai ɔ.

MAKI 8:15

Mbɛ Chisɔsi‑a an na si, a ɔ, “Yisinɛ min mbe Chu mɔɛ chɛ n boo ɔ, miin mu ka Fayisii n na, ni Mansa Ɛdɔdi 'a yisinɛ, wo wo kun ma fɛn a boo ɔ.”

DUKU 22:2

A tima chɛ a, mɔɛ miin ni Chu n tɛ ɔ Yataa a, an 'na mansa nu, an bɛ Chu n 'na sawa kan mɔɛ n na, an toen ni an ni Chisɔsi fa nun dɔ. Koe min na mu, an chianden fan ni mɔɛ n ma na gbunɛ a bea.

DUKU 6:11

Mbɛ sawa kan mɔɛ chɛ n faa tɛ‑a a ɔ benden ba a, an bɛ Fayisii chɛ n na. Mbɛ an bun‑da a tɛnsɛ‑a an nyɔn tɛ ɔ, ni an mbe fen ma Chisɔsi a.

CHƆN 11:53

A ka a tee chɛ ma, aan a ta gbɛ, Chu n ya ɔ sɔɛ chɛ dɔ nu, an ni wan gbɛ dɔbɛnɛ ɔ, Chisɔsi fa koe a.

CHISƆSI 'A SƆ MƆƐ NU 4:25

I wan‑na a ma, nn bemba n ta bemba Defidi koɔ‑a. I 'a bɔi denɛ ni a a. Mbɛ a sin, Yataa Nyina na‑a bai don fan a da a, a fɔ koe a. A na‑a a fɔ wan i 'a gboo ɔ, a ɔ, ‘Mɔɛ tɔɛ n gbɛɛ dunya ɔ, miin ma Chu mɔ a, an faa ɛ tɛ‑a, an mbe dɔbɛn yama chɛ‑a, a si Mansa Wa ma, ko ee bɔ‑a min dɔ. Fen mu an mbe chɛ ma tena?