MAKI 3:5 - Yataa 'a Dɔbɛnɛ Nama

⁵ Mbɛ Chisɔsi‑a an gbɛɛ ya kɔɔɛ ma fɛn dɔndɔ dɔndɔɛ a a 'a tindanɛ. A faa tɛenɛ ɛ an ma, a yɛ to, ɛ faamɔnɛ ɔ, a si an 'na faa a kɔɔɛ ma. Mbɛ a ɔ kamin chɛ ma, “I boo ɔ tan.” Mbɛ a‑a a boo ɔ sawan, mbɛ a boo baun‑da, yɔ a dɔndɔɛ ni buɛ min dɔ.

MAKI 3:5 ပူးပေါင်းရင်းမြစ်များ

MATIU 12:13

Mbɛ a‑a a fɔ kamin chɛ ma, a ɔ, “I boo ɔ tan.” Mbɛ kamin chɛ‑a a boo ɔ tan. Mbɛ a ma‑a yɔ a boo dɔndɔɛ, a baun‑da fion.

MAKI 3:4

Mbɛ Chisɔsi ɔ, “A nyin fan mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.” Chɛɛ an ma bai fɔ ni, a si chɛ ma.

DUKU 13:15

Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma.

DUKU 17:14

Mbɛ Chisɔsi‑a an yen, mbɛ a ɔ, “Wo ta, mɔɛ chɛ n tena, miin mbe mmɔ tɛ Yataa a, an ni wo ma fɛn, ni wo baunden fan mu.” An to‑a ta an na mɔɛ chɛ n gbu tena, mbɛ an baun‑da chia a.

DUKU 6:10

Mbɛ Chisɔsi‑a an gbɛɛ ya kɔɔɛ ma fɛn dɔndɔ dɔndɔɛ a a 'a tindanɛ, mbɛ a‑a a fɔ kamin chɛ ye, a ɔ, “I boo ɔ sawan.” Mbɛ a‑a a boo ɔ sawan, mbɛ a boo baun‑da, yɔ a dɔndɔɛ ni buɛ min dɔ.

CHƆN 9:7

Mbɛ a‑a a fɔ kamin chɛ ma, a ɔ, “Ta yii pai chɛ da a, an mbe min chee Sidowan, i ni i ya a ko” (Sidowan chɛ, a fasai an nɛ, an‑na min sɔ). Mbɛ kamin chɛ ta‑a, a‑a a ya chɛ a ko nɔ. Mbɛ a‑a kaina yen kɛn, a yɛ‑a a waa a.

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

GBOO FEAN BƆƐ KƆYINDI KO A 3:14

An gbu sin, tea ko a, an na‑a fo wan ko ɔ gbɛ yiimatɛ a. Koe min na mu, bi tee chɛ wɛɛ a, Yataa 'a dɔbɛnɛ kɔma chɛ, an mbe ma a kan‑da, a maenɛ mu yɔ an yiima ɛ koa an kɔɔ. Koa chɛ sin, min mbe mɔɛ yii kun ma, ɛ bɔ nɔ dechee tima min na, an nɛ tima chɛ a, mɔɛ ɛ ma tima min na mɔ dɔndɔɛ a Chisɔsi a.

Gboo Ɛfisɔsi Ko A 4:18

An mbe an yii na chii buɛ min dɔ, an mbe pimbi an dɔ, koe ɔ gbɛ koe a ɛnden bɛɛ a. Kuɔ fɔ fɔɛ ee an boo ɔ, Yataa ɛ min be. Chɛ sien mu an 'na ko sɔn baiya an ma. Koe min na mu, an faa a kɔɔen mu kaka.

Gboo Ɛfisɔsi Ko A 4:26

Wo faa ni tɛ wɛɛ, wo ma ko yama ma. Wo faa gbu sin, a ma tɛ, a ka sauma ma, aan tee ni bea.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

GBOO IBU MƆƐ N KO A 3:10

Chɛ an fɛ mu, n faa na‑a tɛ wan an mɔɛ chɛ n nɛnɛ ma, mbɛ n‑na a fɔ, n dɔ, ‘An faa ma nyin tima ɔ tima ko a. A sin, an mbe ee dɔn, an ni bea n fɛ.’

GBOO IBU MƆƐ N KO A 3:17

A sin, Yataa faa na‑a tɛ nyɔn ma, san bi naanin ko a? Mɔɛ chɛ nu ni, miin na‑a ko yama ma, a sin, an na‑a bea wan an fuinɛ ma, an fa‑a.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

KO Ɔ NUNDENƐ 6:16

An mbe ta‑a kɔnkɔɛ n chee‑a, a basan sen gbu wa an na, an dɔ, “Wo na, wo ni bun nn kun ma, wo ni nn nun. Wo nn nun mɔɛ chɛ ma, min mbe si ɔ mansa sea, a ma na nn yen. Wo nn nun, sa tɔngbɔɛ ma na faa tɛ‑a bɔ nn ma.