MAKI 3:2 - Yataa 'a Dɔbɛnɛ Nama

² Mɔɛ dɔ n ni wan nɔ, miin toen ni an ni Chisɔsi bia a chen kɔ. An ni wan gbɛ a ma fɛn‑da, a ɔ yen koe a, ni ɛ kamin chɛ a baun‑da wan, suin tee wɛɛ ma.

MAKI 3:2 ပူးပေါင်းရင်းမြစ်များ

MATIU 12:10

A‑a a a tinsɔn fan, mbɛ mɔɛ chɛ n tɛ ɔ nɔ, kamin dɔndɔ ni wan nɔ, min boo dɔndɔɛ gbaaen ni a ma. A tima chɛ a gbɛ, Chu mɔɛ chɛ nu, miin ni Fayisii n na nɔ, an dɔ, “Nn ma a ɔ sɔn, ni mmɔ 'a sawa dɔnden fan mu, mmɔ ni mɔɛ a baun suin tee ma.” An‑na chɛ fɔ, koe min na mu, an toen ni an ni koɛ be a ma.

MAKI 3:3

Mbɛ Chisɔsi‑a a fɔ kamin chɛ ye, min boo chɛ faen ni ka a ma, a ɔ, “I a sɔ, i ni na sɔ mɔɛ gbɛɛ ya kɔɔ.” Mbɛ a na‑a, a sɔ‑a an ya kɔɔ.

DUKU 14:1

Chu n 'na suin tee dɔndɔ ma, Chisɔsi ta‑a wan daun chɛ tena mɔ dɔndɔ 'a chenɛ a, min ni Fayisii n kun ti a. A tima chɛ a, an ni wan Chisɔsi a tɛ tena chɛndɛ chɛ.

DUKU 20:20

An nii ma chinɔ ni a a tɛ koe a, a basan chia yanɛ a, min mbe a ma, an ni a bia. Chɛ ko a, an‑na mɔɛ n na dɛ wan a ma, a ɔ tisa koe a yiima yiima tisa n na. An toen ni, a da a bai ni a wandi ma tachɛ an ma. Mbɛ an‑na a be chɛnyɛ kun ma kɔfana ma, chɛnyɛ sawa a tachɛ koe a.

DUKU 6:7

Chu n 'na sawa kan mɔɛ dɔ nu, a basan Chu mɔɛ dɔ n na, miin ni Fayisii n na, an toen ni an ni chia an yan koɛ be koe a Chisɔsi ma. An‑na a a tɛ wan chɛndɛ chɛ, min mbe a ma, an ni a ɔ yen, ni ɛ mɔɛ chɛ baun‑da wan suin tee ma.

CHƆN 8:6

An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.